"Men "Barselona"ga olti yil oldin ko'chib o'tgandim. Bugun men faoliyatimdagi ushbu go'zal sahifani boshqa yo'nalishga buryapman. Ushbu klub formasida o'ynash men uchun sharaf edi.
Men istisnosiz barchaga: oilam, jamoadoshlarim, murabbiylarim, ishchilar, ofis xodimlari va muxlislarga minnatdorchilik bildiraman.
Ko'rishguncha!" – deb yozdi Rakitich twitter'dagi sahifasida.
"Barselona" klubining xabariga ko'ra, 32 yoshli o'yinchi "Sevilya"ga 1,5 million evro evaziga o'tgan, bundan tashqari, 9 million evro bonus sifatida beriladi.
Ma'lumot uchun, xorvat "Barselona" bilan 6 yil ichida 13 ta sovringa ega chiqdi.
