Turning qiziqarli uchrashuvi Toshkentda “Bunyodkor” va “Qizilqum” jamoalari o'rtasida bo'lib o'tadi.
“Qizilqum” jamoasi muxlislari doimgidek sevimli jamoalarini ushbu bahsda bevosita stadiondan turib qo'llab-quvvatlashni maqsad qilishgan.
-Jamoamiz qanday natija ko'rsatishidan qatiy nazar biz doim ular bilan birgamiz. Shu bois bugungi bahsda ham ularga madad bo'lib, jamoamizning oldiga qo'ygan maqsadiga erishishiga biz ham o'z hissamizni qo'shmoqchimiz, -deydi “Qizilqum” ishqibozlar klubi yetakchisi Shahriddin Ishnazarov. –Shu o'rinda Toshkentda ishlayotgan yoki tahsil olayotgan barcha ishqibozlarni stadionga taklif etamiz.
Eslatib o'tamiz, “Bunyodkor” – “Qizilqum” uchrashuvi bugun 6 aprel kuni soat 18:00 da “Bunyodkor” stadionida bo'lib o'tadi. “Qizilqum” muxlislari bilan bog'liq savollarga ishqibozlar klubi yetakchisi Shahriddin Ishnazarovga murojaat qilishlari mumkin.
Tel: +998913333773.
