UZ

Сўнгги янгиликлар

02:02Виллиан ўзига янги жамоа қидирмоқда  2 01:40"Қадрдоним, шуни айтишим мумкинки, сен бу ерда афсона эдинг..." — Бензема Варан билан хайрлашди  0 01:18Ироқ терма жамоаси Черчесовга таклиф билан чиқди  4 00:55"Эвертон" Хамесни сотишга тайёр  1 00:36Беларусь чемпионати. "Энергетик-БГУ" ўз майдонида ютқазди, Убайдуллаев тўлиқ 90 дақиқа, Абдихолиқов эса бир бўлим ўйнади  3 00:05"Арсенал" Жакага янги шартнома таклиф этмоқда  1 23:43"Манчестер Сити" Грилиш учун 100 миллион фунт таклиф қилди  6 23:18Микаэль Секейра: "Барданка ҳақидаги саволни ёпмоқчиман. "Локомотив"да ҳалол одамлар ишлайди"  6 23:11Рўзиқул Бердиев: "Насруллаев ўйнамади, шу боис Бозоров ҳам майдонда "йўқ" эди"  27 23:04Breaking: Шомуродов эртага Римга етиб боришини эълон қилди  41 22:57"Вулверхэмптон" киберспорт ташкилоти билан ҳамкорлик қилади  0 22:50Александр Хомяков: "Ўйин ҳақида савол йўқми?"  3 22:36"Сурхон" катта мураббийи Рустам Арипов: "Бош мураббий масаласини раҳбарият кўриб чиқмоқда"  8 22:24"Машъал" - "Сурхон" 2:1. Highlights  3 22:18"Локомотив" - "Насаф" 2:0. Highlights  6

Про лига. «Динамо» жамоаси таништирув маросимини ўтказди Янгиликлар

Про лига. «Динамо» жамоаси таништирув маросимини ўтказди

Суперлига ва Про лига клублари қаторида Самарқанднинг «Динамо» жамоаси ҳам янги футбол мавсуми олдидан футболчилар тақдимот маросимини ўтказди.

2021 йилги янги футбол мавсуми бошланиши олдидан ўтказилиши анъана тусини олган таништирув маросимида «Динамо» футбол жамоасининг бу йилги янги таркиби, мураббийлар штаби оммага таништирилди. Самарқанд шаҳридаги «Ёшлар маркази» катта залида ўтган тадбирда вилоят ҳокимлиги, клуб ҳомийлари, мутасадди раҳбарлар ва юз нафарга яқин энг фаол мухлислар ҳамда ОАВ вакиллари иштирок этишди.

Тақдимот маросимини Самарқанд вилояти ҳокими ўринбосари Ботир Нуруллаев очиб бериб, аслида тадбирни вилоят ҳокими очиб бериши режалаштиргани, бироқ Эркинжон Турдимов маълум сабаблар туфайли маросимга кела олмаганини айтиб ўтди.

«Барча футбол мухлислари ва «Динамо» футбол клубини бошланаётган янги футбол мавсум билан чин қалбдан қутлаб қоламан. Ушбу маросимга вилоятимиз ҳокими Эркинжон Оқбўтаевич кела олмаган бўлсалар-да, у киши вилоят футбол ассоциацияси раҳбари сифатида клуб олдига асосий вазифа сифатида Суперлигани қўйганлар. Шу жиҳатдан ҳам жамоага тажрибали мутахассис Ҳаким Қаюмович Фузайлов таклиф этилган. Жамоа Самарқанд ва Тошкентда йиғин ўтказиб, мавсумга пухта тайёргарлик кўрди. Энди самарқандлик мухлисларни хурсанд этиб, Суперлига йўлланмаси учун курашиш керак», - дейди Самарқанд вилоят ҳокимининг туризм ва спортни ривожлантириш масалалари бўйича ўринбосари Ботир Нуруллаев.

Шундан сўнг бирин-кетин қарсаклар остида «Динамо» жамоасининг барча футболчилари таништирилиб, уларга либослари топширилди.

Шундан кейин жамоа бош мураббийи Ҳаким Фузайлов ва фахрий ҳамда жонкуяр мухлислар сўзга чиқиб, «Динамо»ни Суперлигага қайтиш учун елкама-елка туриб қўллаб-қувватлашга тайёр эканликлари ҳақида айтиб ўтишди. Ўз ўрнида жамоа сардори Обид Жўрабоев футболчилар номидан клуб раҳбарлари ва мухлисларга миннатдорчилик билдирди.

Маълумот учун, «Динамо» жамоаси Про лига 1-тури доирасида 24 март, чоршанба куни Самарқандда Сирдарё вилоятининг «Янгиер» клубини қабул қилади. Кўҳна шаҳарда янги футбол мавсумига старт берадиган ушбу ўйин соат 18:00да бошланади.





Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика