UZ

Сўнгги янгиликлар

18:14"Атлетико" ҳимоячиси жароҳат олди  1 17:43УЕФА президенти "Милан"нинг молиявий ҳолатидан ҳавотирда  5 17:34Мураббийлар, ҳакамлар ва ЎФФ ходимлари аттестациядан ўтказилади  8 17:31ОЧЛ. Иккинчи финал учун барча чипталар сотиб бўлинди  3 17:12УЕФА президенти ЖЧ-2018да видео ассистент тизимига қарши чиқиш қилди  7 16:53Фердинанд: "Базель"га қарши баҳсда МЮ футболчиларига профессионализм етишмади"  6 16:23Олий Лига 30-тур ўйинларига ҳакам ва назоратчилар тайинланди  21 16:13Озил "Барселона"да ҳафтасига 370 минг евро ишлаб топмоқчи  8 15:51УЕФА Чемпионлар лигасида ҳафтанинг энг яхши ўйинчиси бўлишга номзодларни эълон қилди  27 15:43Одил Аҳмедов Тьерри Анри билан учрашди (ФОТО)  22 15:19Ким келса ҳам тезроқ келсин...  74 15:09Сўровнома. Ўзбекистон терма жамоасини ким бошқариши керак?  125 14:53УЕФА Чемпионлар лигасида ҳафтанинг энг чиройли голига номзодларни эълон қилди  29 14:43Эрта сўнган "италян" - Илёс Зейтуллаев  15 14:35Бугун Ҳасанбой Дўсматов ва яна 3 боксчимиз Россияда жанг ўтказади  6

Ўзбекистон U-20 чорак финалда ЖЧ-2013даги юришини тўхтатди Янгиликлар

Ўзбекистон U-20 чорак финалда ЖЧ-2013даги юришини тўхтатди

Ўзбекистон ёшлар терма жамоаси ёшлар ўртасидаги 2013 йилги жаҳон чемпионатидаги иштирокини чорак финал босқичида якунлади.
Франция ёшлар терма жамоасига қарши учрашувда Аҳмаджон Мусаев шогирдлари йирик – 0:4 ҳисобида имкониятни бой беришди.

6 июль, шанба куни Ризе шаҳридаги «Йэни Шеҳир» стадионида ўтказилган ўйинда Ўзбекистон ёшлар терма жамоаси уч нафар асосий ўйинчисидан фойдалана олмади. Етакчи марказий ярим ҳимоячи Жамшид Искандеров, Уругвайга қарши гуруҳ босқичи ўйинида жароҳат олгани боис, Грецияга қарши нимчорак финал ўйинини ҳам ўтказиб юборганди. Айнан Грецияга қарши ўйинда сариқ ва қизил карточкалар билан жазоланган марказий ҳимоячилар – Сардор Раҳмонов ва Бобурбек Йўлдошев дисквалификация сабаб Францияга қарши ўйинда иштирок эта олишмади.

Асосий, қайсидир маънода, терма жамоа «умуртқа поғонаси»ни ташкил этувчи футболчиларнинг йўқлиги ўзини кўрсатди ва Францияга қарши ўйин тақдири биринчи бўлимдан кейиноқ деярли ҳал бўлиб улгурган эди. Ўйин бошидан тинимсиз ҳужумлар уюштирган ва Асилбек Омонов дарвозаси томон кўплаб зарбалар берган французлар 31-дақиқада Яя Саногонинг аниқ зарбаси эвазига ҳисобни очишди. Орадан тўрт дақиқа ўтиб, Тоҳиржон Шамшитдинов рақибини жарима майдончаси ичида қоидага ҳилоф тўхтатиб қолгани учун, сариқ карточка ва пенальти билан жазоланди. 11 метрлик жарима зарбасидан Франция ёшлар терма жамоаси сардори, Туриннинг «Ювентус» клуби ярим ҳимоячиси Пол Погба аниқ фойдаланди.

Биринчи бўлим якунланиши арафасида французлар ҳисобни йирик кўринишга келтиришди. Чап қанотдан ташкил этилган рақиб ҳужумини қайтариш чоғида Ўзбекистон ёшлар терма жамоаси ярим ҳимоячиси Диёр Туропов ўз жарима майдончаси ичида тўпни қўли билан ўйнади. Бу вазиятда, кўп жиҳатдан, тўп «Олмалиқ» вакилининг қўлини топганди. Белгиланган пенальтини Франция – Ўзбекистон ўйинининг энг яхши ўйинчиларидан бири бўлган Флориан Товен аниқ амалга оширди. Қайд этиш жоиз, бу пенальтида Асилбек Омонов зарба йўналишини топиб, ҳатто қўли билан қайтаришга ҳам эришганди, бироқ зарба жуда кучли чиққани сабаб, дарвоза тўридан жой олди.

3:0 ҳисобида олдинга чиқиб олган французлар иккинчи бўлимда яна бир гол уриб, нисбатан хотиржам тўп суришди. Ўйиндаги тўртинчи гол 64-дақиқада, бурчак зарбасидан сўнг Курт Зоуманинг бош билан йўллаган зарбасидан сўнг урилди. Ушбу голдан кўп ўтмай, Саногога нисбатан қоидабузарлик амалга оширган Тоҳиржон Шамшитдинов ўйиндаги иккинчи сариқ карточкани олиб, майдонни жамоадошларидан аввалроқ тарк этишга мажбур бўлди. Ўйин давомида ўзбекистонлик футболчилар ҳам бир қатор хавфли вазиятлар яратишди, бошқа вазиятларни юзага келтиришга ҳаракат қилишди, бироқ рақибнинг бўйдор ва жисмонан бақувват футболчилари Мусаев шогирдларига деярли имконият беришмади.

Франция ёшлар терма жамоасига қарши учрашувдаги йирик ҳисобли мағлубиятга қарамай, Аҳмаджон Мусаев қўл остидаги Ўзбекистон ёшлар терма жамоаси тарихий натижа қайд этди. Терма жамоа ўз тарихида илк бор айнан Туркиядаги мусобақаларда дастлабки ғалабани қўлга киритди, гуруҳдан кейинги босқичга чиқди ва чорак финал йўлланмасини қўлга киритди.

U-20 ЖЧ-2013
Чорак финал учрашуви
6 июль, шанба
ФРАНЦИЯ – ЎЗБЕКИСТОН 4:0 (3:0). 2057 томошабин.
Голлар:
Яя Саного (31), Пол Погба (35, пенальти), Флориан Товен (43, пенальти), Курт Зоума (64).
Огоҳлантиришлар: Максимилиан Фомин (14), Тоҳиржон Шамшитдинов (34), Сардор Собирхўжаев (51), Владимир Козак (65).
Четлатиш: Тоҳиржон Шамшитдинов (68, иккинчи огоҳлантириш).
ФРАНЦИЯ: Алфонс Ареола, Димитри Фолкьер, Курт Зоума, Самуэль Юмтити, Пол Погба, Жеффри Кондогбия (Аксел Нгандо, 62), Яя Саного, Жан-Кристоф Бэйхбек (Алекси Босетти, 69), Лукас Дигне (Пьер-Ив Полома, 78), Жордан Верету, Флориан Товен.
ЎЗБЕКИСТОН: Асилбек Омонов, Тоҳиржон Шамшитдинов, Максимилиан Фомин, Аббосбек Махсталиев, Владимир Козак, Диёржон Туропов (Жалолиддин Машарипов, 59), Абдул Азиз Юсупов (Забиҳилло Ўринбоев, 59), Азамат Абдуллаев, Игорь Сергеев, Сардор Собирхўжаев (Камронбек Кападзе, 65), Муҳсинжон Убайдуллаев.
Бош ҳакам: Сандро Рикки (Бразилия).
Рейтинг:    

Фикрлар

championat.asia
< сўнгги янгиликларни кўриш

Энг яхшилар

“Насаф” – “Пахтакор” учрашувидаги ҳолат юзасидан ПФЛ Тартиб-интизом қўмитаси қарори “Насаф” – “Пахтакор” учрашувидаги ҳолат юзасидан ПФЛ Тартиб-интизом қўмитаси қарори
Ўзбекистон Профессионал Футбол Лигаси Тартиб-интизом қўмитаси 19...  403
Олий лига энди "Ўзбекистон Суперлигаси" деб аталади, формат ҳам ўзгаради Олий лига энди "Ўзбекистон Суперлигаси" деб аталади, формат ҳам ўзгаради
Ўзбекистон Профессионал Футбол Лигаси Ижроия Қўмитасининг қарорига...  207
Ва ниҳоят футбол кўргандек бўлдим Ва ниҳоят футбол кўргандек бўлдим
Ўзбекистон футболига бўлган ҳурмат поездга чипта сотиб олганди....  161
������.�������

Выберите страну:

Mamlakatni tanlang:

Выберите язык новостей:

Yangiliklar tilini tanlang: