Обид Ҳакимов фаолиятини Тожикистонда давом эттиради

Тожикистоннинг "Хўжанд" клуби куни-кеча яна бир ўзбекистонлик футболчи билан шартнома имзолади. Мавсумнинг биринчи қисмини "Андижон"да ўтказган Обид Ҳакимов эндиликда фаолиятини қўшни мамлакат чемпионатида давом эттирадиган бўлди. Ёдингизда бўлса керак, "Хўжанд" клуби яқинда хамюртимиз Вусол Магеррамовни ҳам ўз сафига қўшиб олганди. Яқинда Тошкентда йиғин ўтказиб қайтган тожикистонликлар 27 ёшли Обид Ҳакимов билан ҳам келишувга эришди.