Нигерия Мисрни мағлуб этиб, Африка кубогининг бронза медали совриндори бўлди. Салоҳ пенальтидан гол ура олмади
18 янв 00:20
Янгиликлар

Нигерия Мисрни мағлуб этиб, Африка кубогининг бронза медали совриндори бўлди. Салоҳ пенальтидан гол ура олмади

Африка Миллатлар Кубоги-2025 3-ўрин учун Миср ва Нигерия терма жамоалари ўртасидаги ўйин якунланди.

Ўйин "Mohamed V" (Касабланка, Марокаш) стадионида бўлиб ўтди. Учрашув бош ҳаками сифатида марокашлик Жалол Жийёд ишлади. Ўйинда Нигерия терма жамоаси футболчилари ғалабага эришишди - 0:0 (4:2 пен).

Жамоалар ўйиннинг асосий вақтида гол ура олишмади, пенальтилар сериясида эса Нигерия терма жамоаси футболчилари аниқроқ бўлишди. Миср терма жамоаси ҳужумчиси Муҳаммад Салоҳ ўйиндан кейинги пенальтилар сериясидаги уринишини голга айлантира олмади.

1/2 финал босқичида Нигерия терма жамоаси марокашликларга 0:0, 2:4 пенальтилар сериясида имкониятни бой берганди. Миср терма жамоаси Сенегалга ютқазганди - 0:1.

Африка Кубоги-2025 Марокашда бўлиб ўтмоқда. Турнир 18 январга қадар давом этади. Африка Кубогининг амалдаги ғолиби Кот-д’Ивуар терма жамоаси ҳисобланади.

Ҳавола :

Манба : championat.asia

Янгиликларни Телеграмда ўқинг!

Рейтинг: +1