UZ

Сўнгги янгиликлар

Мўминжонов Абрамов қилган ишни қилди-ми? "Навбаҳор"нинг бир йўла уч футболчиси сўнгги дақиқаларда қандай қилиб сариқ карточка олди? ВИДЕО Янгиликлар

Мўминжонов Абрамов қилган ишни қилди-ми? "Навбаҳор"нинг бир йўла уч футболчиси сўнгги дақиқаларда қандай қилиб сариқ карточка олди? ВИДЕО

Суперлиганинг 21-туридан ўрин олган "Навбаҳор" - "Бухоро" учрашувининг сўнгги 10 дақиқасида мезбонлар сафида бир йўла уч футболчи бош ҳакам томонидан огоҳлантирилди.

81-дақиқада бу мавсум ҳисобида 3та сариқ карточкаси бор бўлган Даврон Ҳошимов майдон марказига яқин жойда рақибни йиқитгани учун огоҳлантирилди. 

88-дақиқада Даврон Ҳошимовнинг тавсияси билан Жаҳонгир Меҳмонов дарвозабоннинг ўрнига тўпни киритди ва бу ишни вақтни чўзиб амалга оширди. Натижада бу мавсумда 7та сариқ карточкаси бор бўлган Меҳмонов ҳам бош ҳакамдан огоҳантириш олди. 

90-дақиқада Остон Ўрунов рақиб жарима тўпини амалга ошираётганида унга қўлидан келганича халал берди, ҳакам бунга аҳамият бермади. Кейинги дақиқаларда Ўрунов икки бор рақиб аутдан тўпни ўйинга киритаётганида унга халал берди. 90+3-дақиқада Остон Ўрунов ўзига нисбатан ишлатилган қўполлик учун белгиланган жарима зарбасини вақтни чўзиб амалга оширди. Ҳакам бу мавсумда 3та сариқ карточкага эга Ўруновга ҳам огоҳантириш кўрсатди. 

Шу тариқа, учала футболчи ҳам 22-турни ўтказиб юборишади. Биринчи босқичнинг сўнгги турида "Навбаҳор" Навоийда "Қизилқум" меҳмони бўлади. Наманган клуби юқори олтиликда, "Қизилқум" эса пастки олтиликда бўлиши аниқ бўлиб улгургани учун 22-турдан ўрин олган учрашув иккинчи босқичда ҳеч қандай аҳамиятга эга бўлмайди. Яъни бу ўйиндаги очколар куйиб кетади. 

Қуйидаги видеони томоша қилинг ва "Навбаҳор" футболчилари қандай қилиб сариқ карточка олишганини томоша қилинг. 

Бир вақтлар Вадим Абрамов Ўзбекистон терма жамоасини бошқарганида ўз шогирдларига атайин сариқ карточка олишни айтган. ФИФА буни сезиб қолиб ўша футболчиларни яна битта ўйинга дисквалификация қилган эди. ПФЛ бу вазиятда "Навбаҳор"ни жазолайдими ёки йўқми бу ҳозирча маълум эмас.


TAS-IX Эмас


Рейтинг: -67   

Фикрлар

championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг