Микель Артета: "Хаверцни жуда соғинган эдик. Унинг қайтиши жамоа учун катта ёрдам бўлади"
14 янв 16:37
Янгиликлар

Микель Артета: "Хаверцни жуда соғинган эдик. Унинг қайтиши жамоа учун катта ёрдам бўлади"

"Арсенал" бош мураббийи Микель Артета ҳужумчи Кай Хаверцнинг узоқ муддатли жароҳатдан сўнг майдонга қайтгани ҳақида ўз фикрларини билдирди.

Хаверц Англия Кубоги 3-раунди доирасидаги "Портсмут"га қарши ўйинда (4:1) захирадан майдонга тушди.

"Албатта, биз уни жуда соғинган эдик. Футболда бир йил — бу жуда узоқ вақт, лекин у ажойиб спорт формасида ва ўзига бўлган юқори ишонч билан қайтди. У шунчалик ақлли футболчидирки, бошқа шериклари билан тезда тил топишиб кетади. Жамоадошлари уни қанчалик яхши кўришини кўриш мумкин эди: у жарима майдончаси атрофида пайдо бўлган ҳар бир вазиятда захира ўриндиғидагилар хурсандчиликдан сакрашарди.

Ҳа, у сафимизга қайтганидан жуда хурсандмиз. Кай бизга кўп ёрдам беради, энди эса унинг яхши ҳолатини сақлаб қолишимиз керак", — деди Артета клуб расмий сайтига берган интервьюсида.

Ҳавола :

Манба : arsenal.com

Янгиликларни Телеграмда ўқинг!

Рейтинг: +5