"Arsenal" sobiq futbolchisi Pol Mersonning fikricha, "Manchester Siti" vinger Rahim Sterlingni "Chelsi"ga o'tishiga rozi bo'lib, to'g'ri ish qilmayapti.
"Agar men "Manchester Siti"ning o'rnida bo'lganimda, Rahim Sterlingni sotishdan xavotirlanardim, chunki uning gollari u bilan birga ketadi. U ko'p gol uradi, jamoaga og'irligi tushmaydi. Uning o'yinida o'ziga xos joziba bor. Agar u ketsa, keyingi mavsumda jamoadagi o'rni bilinadi. "Chelsi" jahon darajasidagi ajoyib o'yinchini qo'lga kiritmoqda", – dedi Merson.
Oldinroq "Chelsi" "Manchester Siti" bilan Sterling transferi borasida kelishib olgani haqida xabar berilgandi.
