"Арсенал" собиқ футболчиси Пол Мерсоннинг фикрича, "Манчестер Сити" вингер Раҳим Стерлингни "Челси"га ўтишига рози бўлиб, тўғри иш қилмаяпти.
"Агар мен "Манчестер Сити"нинг ўрнида бўлганимда, Раҳим Стерлингни сотишдан хавотирланардим, чунки унинг голлари у билан бирга кетади. У кўп гол уради, жамоага оғирлиги тушмайди. Унинг ўйинида ўзига хос жозиба бор. Агар у кетса, кейинги мавсумда жамоадаги ўрни билинади. "Челси" жаҳон даражасидаги ажойиб ўйинчини қўлга киритмоқда", – деди Мерсон.
Олдинроқ "Челси" "Манчестер Сити" билан Стерлинг трансфери борасида келишиб олгани ҳақида хабар берилганди.
