Марадона Инфантинонинг ЖЧ иштирокчилари сонини 48 тагача кўпайтириш ғоясини қўллаб-қувватлади

Aslanov Jasurbek

11 окт 2016, 14:16

Афсонавий аргентиналик футболчи Диего Марадона ФИФА президенти Жанни Инфантинонинг жаҳон чемпионати иштирокчилари сонини 32 тадан 48 тага кўпайтириш ғоясини қўллаб-қувватлади.

"Тез орада Инфантино билан суҳбатлашаман ва буни муҳокама қиламиз. Бу ғояни қўллаб-қувватлайман. Эсланг, сўнгги плей-офф баҳсида Криштиану Роналду ва Ибрагимович тўқнаш келган. Бу мухлисларга нисбатан ҳурматсизлик. ФИФА билан ҳамкорликка тўхталадиган бўлсак, бунга тайёрман, аммо бирор нарсани ўзгартира оламан деб ўйламайман" - дейди Марадона.