O'yindan so'ng tojikistonliklar sardori Mansur Mamedbabaev o'z fikrlarini bildirib o'tdi.
"Birinchi o'yinda ham, bu safar ham bizga ancha qiyin bo'ldi. Sababi, raqibimiz nomdor jamoa. O'zbekiston Osiyo chempionatining kumush medali sohibi va ularga qarshi harakat qilish oson emas. Lekin, biz o'yindan-o'yinga o'sib borishga intilayapmiz. Afsuski, ikkinchi uchrashuvda ham ko'plab imkoniyatlardan foydalana olmadik.
Futzal jamoaviy o'yin, bugun omad raqiblarimiz tomonida bo'ldi. Lekin, mag'lubiyatdan fojea yasashga hojat yo'q. Kelajakda xatolarimiz ustida ishlab, tajribamizni oshirib borishga harakat qilamiz", - deydi Mansur Mamedbabaev.
