"Sky Sports" nashri xabariga ko'ra, "Lester" tez orada yarim himoyachi Jeyms Meddison va himoyachi Chag'lar Seyunchu bilan shartnomani yangilaydi. "Tulkilar" har ikki futbolchining maoshini oshirishmoqchi.
Eslatib o'tamiz, Meddison va Seyunchu bilan imzolangan amaldagi bitimlar 2023 yilning yoziga qadar mo'ljallangan edi.
Avvalroq angliyalik futbolchi uchun "Manchester Yunayted", turkiyalik himoyachi uchun esa "Arsenal" va "Manchester Siti" klublari da'vogarlik qilayotgani haqida xabarlar tarqalagandi.
