UZ

Сўнгги янгиликлар

14:50Дибала Федерер ҳақида: "Рожер мен учун идеал теннисчи. Унда услуб бор"  1 14:28"Тоттенхэм" Роуз билан шартномани бекор қилади  0 14:05Менотти: "Месси Аргентина терма жамоаси билан совринлар ютишга лойиқ"  2 14:02«Локомотив» Жасур Жалолиддинов учун «Бунёдкор»га нормадан камроқ компенсация тўлаганми?  10 13:37Венгер Месси Гризманнга ҳалақит бераётганини айтди  8 13:14Машҳур футболчиларнинг "илҳом парилари" №4  3 13:10Карикатура: Чех нафақадан қайтди  1 12:47Мбаппе 2021 йилнинг ёзида АПЛ клубига ўтишни хоҳламоқда  10 12:31ЕЧЛ. Левандовскидан "Ибра стайл", бақираётган Мюллер, дакки эшитаётган Луис Суарес. "Бавария" "Атлетико" учрашувидан ГАЛЕРЕЯ  9 12:23ЕЧЛ. "Ухлаётган" Модрич, кулаётган Менди, ниқобдаги Азар. "Реал" "Шахтёр" учрашувидан ГАЛЕРЕЯ  10 12:18"Манчестер Сити" ярим ҳимоячисини 4-6 ҳафтага йўқотди  0 12:05"Реал" бир қадам ортга чекинмоқда, олдинга икки қадам ташлаш учун  16 11:47ЕЧЛ. Энг кўп гол урган футболчилар  19 11:23"Манчестер Сити" собиқ футболчиси Туркия клубига ўтиши мумкин  0 11:00ЕЧЛ. Ҳафтанинг энг яхши ўйинчиси бўлиш учун номзодлар эълон қилинди  11

Кечаги ва бугунги ўйинларга "ичидан" муносабат Янгиликлар

Кечаги ва бугунги ўйинларга "ичидан" муносабат

Кечаги тахминларим деярли тўғри чиқди, бироқ «Локомотив» бунчаликка боради деб ўйламагандим.

«Локомотив» 2011-13 йиллардаги «Пахтакор», 2018-19 йиллардаги «Бунёдкор»ни эслатяпти. Жамоада пул қолмаганида, «Пахтакор» ва «Бунёдкор» мажбур ўйинчиларни сотиб юборган, ҳеч ким ўзи кетиб қолмаган. Чунки уларнинг кўпчилиги, шу клубнинг ҳақиқий аъзолари эди. «Локомотив» эса йиллар давомида мана шу тизимни яратмади. Пул тортилиб қолгач, табиийки етакчилар кетди. Ўринбосарлардан эса кучли ўйичи чиқиб келмади. «Пахтакор» ва «Бунёдкор», ўтган йили «Насаф» шундай ҳолатда, ўз тарбияланувчиларининг эвазига қийинчиликни енгиб ўтгандилар.


«Локомотив» ҳозир ёшларга қарай бошлади. Бунинг натижаси бугун эрта кўринмайди. Камида 5-6 йил ўтиши керак. Шунинг учун «Локомотив»да бу йил яна аввалгидек молия бўлмаса, кейинги икки йилда "темирйўлчилар"ни ўртамиёна жамоа сифатида кўрамиз.


«Навбаҳор» эса ишончли ғалабани қўлга киритди. Лекин клуб бундан ҳам яхши ўйнаши мумкин, нимадир етишмаяпти. Айниқса, ҳимоядаги пала-партишлик катта ўйинларда панд бериши мумкин. «Насаф» билан ўйин мисолида буни кўрдик, бу кўпроқ мураббийнинг хатоси. «Сўғдиёна», аксинча, айнан ҳимояда ақлли ўйнаяпти. Автобус қўйишда ҳам, қўйиш бор. Бақоев ҳар бир ўйинчисини зоналарга тўғри тақсимлай оляпти.


«Сурхон» мақсадини тушуниб олиш керак? Мақсад, агар Сурхондарёга катта футболни қайтариш бўлса, маҳаллий таркиб билан ҳам шундай натижа қилса бўлади, сал ишлов бериб. 12-ўринни олдинг нима-ю, 5ни олдинг нима? Бари бир ОЧЛга йўлланма бермаса! 3 йилдан бери таркиб ўзгаришда давом этади. «Анжи» Москвада яшаб, фақат уй ўйинлари учун Маҳачқалага борарди. «Сурхон» ҳам Тошкентни база қилиб, Термизга ўйин учун борди. Нима кераги бор, ортиқча сарф харажатни? Суперлигага берилган йўлланмадан унумли фойдаланиб, ҳеч бўлмаса доимий равишда ўртамиёна бўлиб юриш керак. Бунинг учун пойдевор қўйиш лозим. Сурхондарё футболчи танқис юрт эмас, афсоналар шаҳри.



«Сўғдиёна» ишончни оқлашда давом этяпти. Жасур Ҳасанов иккинчи ёшлигини ўтказяпти. Ҳеч қаримайдиган, эски сифатли ўйинчилардан. Ўзбекистон чемпионатида қолган сўнгги футболчи. Айни пайтда, фақат Жалолиддин Машарипов қанотдан у каби сифатли пас бера олади. Агар 26-27 ёш бўлганида, бугунги футбол агентликлари ривожланаётган пайтда, у Қатардан ҳам кўра кучлироқ лигага йўл оларди.



«Бухоро»да эшитишим бўйича тахт учун кураш. Бу энг ёмони. Амирлар юртида, эндиги нишон клуб. Алишер акага имкониятни бериш керак. Пайтида натижа қилди, аммо катта бюджет билан 3-ўринни ололмаганлиги учун бўшатишганди. Мана яна клубга қайтди, аммо уни йўқ қилишмоқчи. Бундан кейин футболда катта пул бўлмайди, энди ким менеджементни тушунсагина муваффақиятга эришади.


Бугунги ўйинда эса шубҳасиз «Металлург» фаворит, 3 йилдан бери АГМК каби тобланди. Ҳар қандай клубнинг тоблаш учун камида 3 йил керак. «Металлург» ва АГМК айнан ўша маромига чиқяпти. АГМК бу кетишда кейинги йил аниқ учликка киради, балки кумуш медални олади. «Металлург»да эса бу йил ОЧЛга чиқиш учун имконият катта. Шипиловни жуда зўр мураббий демайман, аммо у таркибни бир хилда шакллантира олиши учун, мураббийга керак бўлган муҳим нарса, вақтга эга бўлди. Бошқа клублар ҳам шу нарсани тушуниб етсалар бўларди, натижа талаб қилишдан аввал.


«Андижон»га кучли менеджер керак. Буни кўп маротаба айтиб келганман. Андижон ҳоким наманганлик ҳамкасби каби, эътиборни пойдеворга қаратса, Андижондан яна Ҳамидуллаев чиқади.


Бугун «Машъал» - «Насаф» ўйинида Рўзиқул Бердиевнинг имконияти юқори. «Машъал» ҳимояга эътибор қаратса керак.


Бу икки ўйин ҳақида эртага тўхталиб ўтаман.

Муаллиф : Nadirkhuja Yuldashev
Рейтинг: +18   

Фикрлар

championat.asia
< сўнгги янгиликларни кўриш
Яндекс.Метрика