Италия ва Аргентина терма жамоалари ўртасидаги қитъа чемпионлари ўйини ўтказиладиган жой аниқ бўлди

Оқил Абдубарноев

15 дек 2021, 21:55

Европа футбол ассоциасиялари иттифоқи (УЕФА) ва Жанубий Америка футбол конфедерацияси (КОНМEБОЛ) қитъа чемпионати ўйинини ўтказиш жойи сифатида Лондонни танлади.

Евро-2020 ғолиби Италия терма жамоаси 2022 йилнинг 1 июнь куни Америка кубоги-2021 чемпиони Аргентина терма жамоасига қарши майдонга тушади.

Аввалроқ Европа чемпионати ва Америка кубоги ғолиблари бошқа қитъа мусобақалари ғолиблари билан бирлашиб, ҳар бир жаҳон чемпионатидан бир йил олдин ўтказилган, аммо кейинчалик бекор қилинган Конфедерациялар кубогида иштирок этиб келишарди.