UZ

Сўнгги янгиликлар

13:10Пентек: "Милан" мен туфайли яна буюк жамоага айланади деб умид қиламан"  7 12:53"Металлург" Жепаров, россиялик футболчи ва 6 нафар янги футболчини таништирди  34 12:45Тошак: "Реал" ярим таркибни алмаштириши керак"  13 12:20Икарди можароси давом этади. Мауро "Интер" қайдномасига киритилмади  5 12:05"Челси", "Ливерпуль" ва "Ювентус" Тюрам ўғлига қизиқиб қолди  1 11:44Тебас: "Месси - ЛаЛига рамзи"  32 11:29Осиё футболи. Уммон терма жамоасига янги мураббий тайинланди  5 11:10Облак: "Атлетико" учун ҳали вазифа бажарилгани йўқ"  22 10:50Гвардиола: "Мен - VARнинг ишқибозиман"  29 10:42Флорентино Перес ва Сантьяго Солари икки соат дилдан суҳбат қуришди  19 10:30“Бухоро” яна Тошкентда йиғилди  7 10:11Спортчилар ижтимоий тармоқларда  3 09:53Olamsport: Истомин АҚШдаги турнирда иккинчи давра ўйинини ўтказди, ўзбек дербисида Ҳумоюн ғолиб ва бошқа хабарлар  0 09:40Карикатура: “Ювентус”да яна ўхшамаяпти   28 09:25Кьеллини: “Туринда боримизни берамиз”   37

Интервью. Магаметов ва Денисов Фаррух Турдалиевга қандай совға берган? Янгиликлар

Интервью. Магаметов ва Денисов Фаррух Турдалиевга қандай совға берган?

Ўтган йили биринчи лигада Қувасойнинг “Цементчи” жамоасида фаолият олиб борган Фаррух Турдалиев айни дамда “Нефтчи” клубидада фаолият юритмоқда.

Биз Фаррух Турдалиев билан боғланиб фаолияти борасида суҳбатлашдик.

- Ўтган йили биринчи лигада фаолият юритдингиз. Сиз учун 2017 йил қандай ўтди?

- 2017 йилги мавсумни “Андижон” жамоасида бошлашим керак эди. Ҳар ҳолда оғзаки келишувга эришган эдик. Лекин қандайдир тушунарсиз ҳолат юз берди ва менга жавоб бериб юборишди. Бу ҳолатни тушунолмай қолдим. Футболдан кўнглим совиб кетди. Чемпионат бошланишига бир неча кун қолганида тақдирга тан бердим ва ўқишга отландим. Тошкентда жисмоний тарбия олийгоҳига ўқишга хужжат топширдим. Орадан бир неча кун ўтгач, “Хотира-79” жамоаси бош мураббийи Меҳмон ака қўнғироқ қилдилар ва хали ёшлигимни, футбол ўйнашим кераклигини, таслим бўлмаслигимни тушунтирдилар. Шундан сўнг, жамоага таклиф қилдилар. Биринчи даврани “Хотира-79” жамоасида ўтказдим. Иккинчи даврада эса “Цементчи”дан чорлов бўлди. Бу ерда олдин фаолият юритганим учун, мураббийлар билан ҳам, раҳбарият билан ҳам яхши таниш эдим. Шунинг учун йўқ демасдан чорловни қабул қилдим.

- Янги мавсумга тайёргарлик қай даражада олиб борилмоқда?

- Ҳозир барча жамоалар сингари биз ҳам жисмоний ҳолатимизга кўпроқ эътибор берган ҳолда тайёрланяпмиз. 

- Янги мавсумга раҳбарият томонидан вазифа қўйилдими?

- Ҳар бир учрашувда ғалаба козониб фарғоналик мухлисларни хурсанд қилиш вазифаси қўйилди. Биласиз, охирги йилларда Фарғонада футбол бироз пастлагандек туюлмоқда. Лекин биз шуни аксини исботлашга ҳаракат қилмоқчимиз.

- Биламизки сиз аввал ҳам "Нефтчи" жамоасида фаолият олиб боргансиз. Ўтган йили ушбу жамоанинг салбий натижа кўрсатишига нима сабаб бўлди, деб ўйлайсиз?

- Мен шу клубда катта бўлдим, футболчи бўлиб етишдим. Юрий Вазгенович Саркисян даврида фаолият олиб борганман. Унинг тарбиясини олганман. Ҳозир “Нефтчи”да бошқа одамлар ишламоқда. Ўтган йили “Нефтчи” нима учун салбий натижа қайд этганига бир нима дея олмайман.

- Юрий Вазгенович Саркисян даврида клуб қандай эди?

- Юрий Вазгенович доим биринчи ўринга жамоани қўярди. Бир, иккита футболчини жамоага алишмайман, деб доим айтарди. Жуда ҳам қаттиққўл мураббий эди. Интизомни биринчи ўринга қўярди. “Порядок бьет класс” деган гаплари ҳеч қачон ёдимдан чиқмайди. Энг асосийси, у ҳамма нарсага бош эди. Ушбу мураббийнинг гапини ҳеч ким икки қила олмасди. 

- Юрий Вазгеновични жуда ҳам қаттиққўл мураббий бўлган, деб айтябсиз. Охирги пайтда "Нефтчи"га шундай қаттиққўл мураббий етишмагандир?

- Юрий Вазгенович биринчи навбатда кучли руҳшунос. Масалан Моуриньони шундай руҳшунос деб эшитганман. Сер Алекс Фергюссон, Қурбон Бердиевлар шулар жумласидандир. Афсуски, бундай мураббийлар футболда саноқли. Юрий Вазгенович кимга қачон, қандай гапиришни биларди. Бу футболни ичидаги ёзилмаган қонунлардан бири. Шунинг учун ҳам Саркисян ўзбек футболига жуда кўплаб номларни етиштириб берган. 

- Дарвозабон бўлишингизга, умуман футболга кириб келишингизга нима сабаб бўлган?

- Францияда бўлиб ўтган 1998 йилги жаҳон чемпионати футболга кириб келишимга ва дарвозабон бўлишимга сабаб бўлган, десам муболаға бўлмайди. Ўша йили барча болакайлар сингари ёзги оромгоҳда эдим. Ўшанда жаҳон чемпионати бўлаётган пайт эди. Роналдонинг ўйинлари ёқиб қолган ва футболга бўлган қизиқиш пайдо бўлган. 2000 йилги Европа чемпионатида Франческо Тольдонинг ўйинлардаги сейвларини кўриб дарвозабон бўлиш фикри пайдо бўлди. Кўриб турганингиздек, орзуларим амалга ошди.

- Ўз олдингизга қандай мақсад қўйгансиз?

- Суперлига баҳсларида мунтазам равишда иштирок этиш, клубимга юқори ўринларни эгаллашда ёрдам бериш. Ҳар бир футболчининг орзуси бўлганидек, Ўзбекистон миллий терма жамоаси таркибида байроғимизни балландларга кўтариш энг катта орзум.

- Бизда савияли дарвозабонлар нисбатан камроқ. Бунга қандай муносабат билдирасиз?

- Нимага кам экан? Легионер дарвозабонлар чекловидан кейин, кўплаб маҳаллий дарвозабонлар ўйин амалиётига эга бўлишди. Дарвозабонлар мураббийи пайдо бўлганига ҳам кўп бўлмади. Шунинг учун аста-секинлик билан бизда ҳам юқори савиядаги дарвозабонлар сони кўпаяди, деб уйлайман. 

- Ҳар бир футболчи профессионал даражага етишгунга қадар қийинчиликларни бошидан ўтказади. Сизда ҳам шундай қийинчиликлар бўлганми, мисол учун молиявий томондан?

- Мен бувимни қарамоғида катта бўлганман. Бувим менга ҳам оталик, ҳам оналик қилганлар. Ёшлигимда ёшлар терма жамосига чақиришганида, кийишим учун бутсам ҳам бўлмаган. Ўшанда Геннадий Денисов ва Фарход Магаметов (ўша пайтдаги терма жамоани мураббийлари) ўзларининг бутсаларини менга беришган. Шундан сўнг “Нефтчи”га таклиф қилишган. “Нефтчи”да барча спорт кийимлари ва бутса билан таъминлашган. Ўшанда профессионал бутсамни кийганман. 

- Мухлисларга тилакларингиз?

Мухлисларимиз бизни доим қўллаб-қувватлашдан чарчашмасин. Юртимиз тинч, осмонимиз мусаффо бўлсин. Бирлашиб Фарғона футболини юксакларга кўтариш бизнинг ҳам қарзимиз, ҳам фарзимиздир. 


Жаҳонгир Сотволдиев суҳбатлашди

Рейтинг: +19   

Фикрлар

championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг