Futzal. Aprelda Toshkentga Eron terma jamoasi tashrif buyuradi

Osiyoning grand jamoasi hisoblangan Eron terma jamoasi a'zolari Toshkentga 17 aprel kuni tashrif buyurishadi. O'zbekiston poytaxtida mehmonlar 4 kun davomida istiqomat qilishadi.

Vetnamga yo'l olishdan oldin, O'zbekiston terma jamoasi Xitoyda o'quv-yig'in mashg'ulotida qatnashishi ham rejalab qo'yilgan.

Eslatib o'tamiz, Vetnamda bo'lib o'tadigan ushbu yilgi Osiyo chempionatining final bosqichi 30 apreldan 10 mayga qadar o'tkaziladi. O'zbekiston terma jamoasi ishtirokidagi birinchi bahs 1 may kuni bo'lib o'tadi. Unda Bahodir Ahmedov shogirdlari Qirg'izston vakillari bilan kuch sinashadi. 3 may kuni O'zbekistonning raqibi Yaponiya bo'ladi. Oradan 2 kun o'tgach, futzalchilarimiz Janubiy Koreyaga qarshi bahs olib borishadi.

Quyida O'zbekiston terma jamoasi ishtirokidagi o'yinlar taqvimi ko'rsatilgan:
1-tur
1 may,  payshanba
16:30. Qirg'izston – O'zbekiston

2-tur
3 may, shanba
16:30. O'zbekiston – Yaponiya

3-tur
5 may, dushanba
16:30. O'zbekiston – Janubiy Koreya.

* O'yinlar boshlanishi Toshkent vaqti bilan ko'rsatilgan

Qur'aga qo'ra, 16ta jamoa quyidagi guruhlarga bo'lingan:
A guruhi: Vetnam, Quvayt, Tojikiston, Iroq
V guruhi: Eron, Avstraliya, Xitoy, Indoneziya
S guruhi: Tailand, Livan, Xitoy Taypeyi, Malayziya
D guruhi: Yaponiya, Qirg'iston, O'zbekiston, Janubiy Koreya.