Энрике Солерга ишонмайди

ПСЖ ярим ҳимоячиси Карлос Солер бош мураббий Луис Энрикенинг режаларига кирмайди. Бу ҳақда "Le Parisien" нашри хабар бермоқда.

Парижликлар жамоа мураббийи ишонч билдирмаётган футболчини сотиши мумкин. Унга "Брайтон" ва "Астон Вилла" қизиқиш билдиришмоқда. Футболчининг "Валенсия"га қайтиши эҳтимоли ҳам бор, аммо бунинг учун у маошини сезиларли даражада камайишига рози бўлиши керак бўлади.

Испаниялик футболчи 2022 йилнинг ёзида 18 миллион евро эвазига "Валенсия"дан ПСЖга ўтган эди. 26 ёшли хавбек жорий мавсум ҳар бир учрашувда ўртача 27 дақиқа майдонда бўлди, бу унинг фаолиятидаги энг ёмон кўрсаткичдир.