UZ

Сўнгги янгиликлар

21:12Тьяго Мотта ПСЖ мураббийига айланди  0 21:00Суперлига. "Қизилқум" - "Пахтакор" 0:0 LIVE. ОНЛАЙН  30 21:00Суперлига. "Локомотив" - "Насаф" 1:0 LIVE. ОНЛАЙН  19 20:59Суперлига. "Қўқон-1912" - АГМК 2:0 LIVE. ОНЛАЙН  60 20:26"Реал" Куртуани сотиб олса, ўз дарвозабонини ижарага беради  8 20:10Ёшлар лигаси. 17-тур. Барча ўйинлар якунланди  12 19:54Иньестани Японияда қандай кутиб олишганини кўрдингизми?! ФОТО  9 19:40Кассано: "Месси - Федерердек, Роналду эса - Надаль каби"  18 19:28"Қўқон-1912" - АГМК. Асосий таркиблар эълон қилинди  11 18:54Olamsport: Шоҳжаҳон Эргашев навбатдаги рақиби маълум, теннисчиларимиз Астанада ўйин ўтказишди ва бошқа хабарлар  1 18:43РФПЛ номи ўзгартирилди  15 18:04“Limonta Sport” компанияси ОФК дастури асосида Андижон ва Қўқонда мини-футбол майдонлари барпо этмоқда   4 17:4410та финал, 10та ғалаба  21 17:29"Реал" Одриосолани таништирди + ФОТО  15 16:52Бугун футбол. "Локомотив" - "Насаф"  53

“Бухоро” яна юқори ўринларга даъвогарлик қилмоқчи...ми? Янгиликлар

“Бухоро” яна юқори ўринларга даъвогарлик қилмоқчи...ми?

Таркиб ҳам яхши савиядаги футболчилар билан шакллантирилганлигини унутмаслик керак.

Ҳар холда маҳаллий мухлислар ҳам жамоанинг кўрсатган ўйинидан ранжишгани йўқ. “Бухоро”да мураббийлар штаби ҳам ажойиб кўринишда ташкил этилганди. Бош мураббий Улуғбек Бақоев мураббий сифатида ўзини кўрсатиш учун астойдил ишлаяпти. Шунингдек, унинг ёрдамчиси Бахтиёр Ашурматовни ҳам алоҳида айтиш ўринли бўларди. Умуман олганда, иккала мутахассис анча самарали иш фаолиятини давом эттириб келишмоқда. Бош мураббийга яқиндан ёрдам бериб келаётган Бахтиёр Ашурматов билан бир қатор масалаларни қизғин муҳокама қилдик.  

-    Ҳозирда “Бухоро” клуби мавсумга қизғин тайёргарлик кўряпти. Таркибда ҳам жиддий ўзгаришлар кузатиляпти. Маълумки, бухороликлар ўтган йили 6-ўринни қўлга киритишди. Шунга қарамай, таркибда яна жиддий ислоҳотлар амалга оширилишига эхтиёж каттамиди? Бу саволга Бахтиёр Ашурматовнинг жавоби қуйидагича бўлди:
-    Ҳа, ўтган мавсумда жамоамиз 6-ўринни эгаллади. Лекин мураббийлар штаби ушбу натижадан қониқишмади. Сабаби биз 2017 йилги мавсумда аҳил ва жанговор жамоани шакллантиришга муваффақ бўлгандик. Бунинг устига жонкуяр мухлисларимиз жамоамизни ажойиб даражада қўллаб-қувватлаб туришди. Шу боис “Бухоро” бундан-да, юқорироқ ўринни қўлга киритишга муносиб эди. Энди ушбу чемпионатдаги мақсадимиз янада кучлироқ ва рақобатбардош жамоани тузиш. Таркиб масаласига келсак, айтайлик, айрим ўзгаришлар мажбуран амалга оширилаётган бўлса, яна айрим ўзгаришларни жамоани кучайтириш мақсадида бажаряпмиз. Бу йил ишқибозларимиз “Бухоро”дан янада юқорироқ ўринлар учун курашишимизни кутишяпти. Жамоамиз бош мураббийи Улуғбек Бақоевнинг меҳнатини алоҳида таъкидлашни истардим. Боиси, у клубнинг ривожи учун катта ҳажмдаги ишларни бажаряпти. Мухлислар эса бош мураббийга тўлиқ ишонадилар ва бу эса ўз навбатида бизга қўшимча куч ва масъулият бағишлаяпти.

-    Яқинда вилоят ҳокими клуб тўғрисида йиғилиш ўтказди. Янги мавсумда жамоа олдига аниқ вазифа қўйилдими? Бу борада Ашурматов шундай деди?
-    Авваламбор жамоамиз номидан вилоятимиз ҳокимига, клуб раҳбарларига миннатдорчилик билдириб ўтган бўлардим. Чунки вилоятимиз раҳбари “Бухоро” учун барча шароитларни яратиб беришяпти. Айтишим керакки, вилоятимиз раҳбарлари томонидан ўтказилган йиғилишда айрим муаммоли масалалар кўриб чиқилди. Шу боис клуб раҳбариятида ўзгаришлар бўлди. Шунингдек, янги мавсумда янада рақобатбардош жамоа тузиш кераклиги ҳақида тўхталиб ўтилди. Лекин клуб олдига аниқ вазифа чемпионат ўйинлари бошланиши олдидан қўйилса керак.

-    Ҳозирда Иван Нагаев масаласи кўпчиликни қизиқтиряпти. У ўтган йили “Бухоро”нинг етакчиларидан бири бўлди ва ҳужумчи сифатида ўзини кўрсатди. Унга хориждан таклифлар борлиги ҳақида эшитдик...
-    Иван Нагаев ўтган йили чиндан ҳам ажойб ўйин кўрсатди, - дея гапни давом эттирди, Ашурматов. - У мухлисларнинг ёқимтойига айланди. Биз бундай ўйинчини бажонидил жамоада олиб қолган бўлардик. Лекин Нагаевга хориж клубларидан бир нечта таклифлар бор. Аслида ушбу футболчининг “Бухоро”дан кетгиси йўқ. Аммо хориждан қизиқарли таклифлар бўлиб турган пайтда ўзини четда синаб кўриш имконияти пайдо бўляпти. Шунинг учун Нагаевнинг хориж жамоаларидан бирига ўтишининг эҳтимли юқори.

-    Акмал Турсунбоев билан Никита Рибкин билан боғлиқ вазиятларда нима бўлди? Чунки йиғинлар давомида Акмал “Бухоро”дан кетиб “Металларг”га қўшилди, Никита эса “Металлург”дан “Бухоро”га келди. Аммо тез орада иккала дарвозабон яна ўз жамоаларига қайтишди. Бу масалада Ашурматов қуйидагича фикр билдирди.
-    Акмал Турсунбоев ўтган йилги мавсумда ўз устида тинимсиз равишда ишлади ва дарвозабон сифатида ўсишга эришди. Акмал жамоамиз бош мураббийи Улуғбек Бақоевга оилавий шароити туфайли “Металлург”га ўтмоқчи эканлиги ҳақида маълум қилганди. Биз эса унинг ҳолатини тўғри тушундик ва омад тилаб бошқа клубга кетишига рухсат бергандик. Унинг ўрнига эса Никита Рибкинни таклиф этдик. Бу орада эса Турсунбоев “Бухоро” клубига ўрганиб қолганлигини, жамоа мухлисларига меҳри баланд эканлигини айтиб яна қайтиш истаги борлигини билдирди. Мураббийлар штаби билан маслаҳатлашиб уни клубга қайтаришга қарор қилдик. Жамоамизда учта яхши савиядаги дарвозабон бўлганидан сўнг Рибкин кўпроқ ўйин амалиётига эга бўлиши учун “Металлург”дан бўлган таклифга рози бўлди.

-    Айни пайтда ЎФФ катта ислоҳотларни амалга оширяпти. Янги мавсум учун эса йиллик бюджет 25 миллиард этиб белгиланди. “Бухоро” бу масалани ҳал қилишда қийнаб қолмасмикин? Табиийки, ушбу масалада ҳам мутахассис ўз муносабатини билдирди.
-    ЎФФ раҳбарияти томонидан футболимизнинг ривожи учун охирги пайтларда жуда кўп қарорлар ва янгиликларга қўл урилмоқда. Ишончим комилки, яқин вақтлар ичида ушбу қилинаётган ишлар ўз самарасини беради. Таниш-билишчилик, ёшини кичрайтириш каби иллатларга ҳам қарши курашилмоқда. Аммо бу ишларнинг ўз самарасини бериши учун ҳамма бир ёқадан бош чиқариб ҳаракат қилиши керак. Клубнинг бир йиллик сметаси кўпайди деб жамоа штабини ўз ишининг устаси бўлмаган таниш-билишлар ва ишчи-ходимлар билан тўлдирмаслик керак. ЎФФ қўяётган талабларга ҳар бир клуб муносиб жавоб бериши лозим. Шундагина натижа бўлади. 25 миллиардлик сметани топишга жамоа қийналадими, деган саволингизга клуб раҳбарлари аниқроқ жавоб беришади. Биз мураббийларнинг иши эса жамоани мавсумга яхши тайёрлашдир.

-    Маълумотларга қараганда, “Бухоро” клубида талабларни бажариш бўйича муаммолар бор деб эшитдик. Ашурматов эса бунга шундай жавоб қайтарди.
-    Биласизми, “Бухоро” клубида ЎФФ томонидан қўйилаётган талабларга жавоб бериш учун мавсум тугаши биланоқ шароитларни яхшилаш йўлида ишга киришилган. Жамоа раҳбарлари ҳали тиним билишгани йўқ. Клуб базаси яхшиланяпти. Аёллар жамоаси, ўринбосарлар таркиби футболчиларига шароитлар яхшиланяпти. Футзал жамоасига ҳам эътибор кучайтириляпти. Менимча, мавсум бошланишига қадар “Бухоро” жамоаси ҳар томонлама талабларга жавоб бера оладиган ҳолатга келади.

-    Украиналик ҳимоячи Владимир Баенко ўтган йили “Бухоро” сардори бўлиб, ўзининг кучли жиҳатларини кўрсата олганди. Уни қайтариш эса муҳим вазифалардан бирига айланди. Баенкони қайтариш имконсизми? Бунга мураббий шундай жавоб қайтарди.
-    Ҳимоячимиз Баенко ўтган йилги мавсумда яхши ўйин кўрсатганди. Бизнинг мақсадимиз ҳам жамоа етакчиларини сақлаб қолиш. Баенкога ҳам таклифлар бор. Айни пайтда у билан музокаралар давом этяпти. Унинг “Бухоро”га қайтиш масаласи ушбу ойда ўз ечимини топади. Ушбу футболчи бу мавсумни ҳам жамоамизда ўтказиши мумкин.

-    Шунингдек, клубга белоруссиялик Сергей Русецкий таклиф этилди. Қизиқ, таркибга яна бошқа легионерлар ҳам келадими? Чунки жамоани ўтган мавсумда ўйнаган хорижлик ўйинчилар тарк этишди. Шу боис уларнинг ўрни бошқа легионерлар томонидан тўлдириладими? Бунга ҳам мураббий жавоб бериб ўтди.
-    Русецкий ўнг қанот ҳимоясида ва ўнг қанот ярим ҳимоясида ўйнай оладиган футболчи. Уни назорат учрашувларида синаб кўрамиз ва кейин бир қарорга келамиз. Шунингдек, туркманистонлик ярим ҳимоячи Омоновнинг ҳам жамоамизга келишининг эҳтимоли юқори. Мураббийлар штаби томонидан яна бошқа легионерларнинг номзодлари ҳам кўриб чиқилмоқда. Агар муносиб ўйинчилар топилса уларни албатта “Бухоро”га таклиф этамиз.

-    “Бухоро” тайёргарлигининг навбатдаги босқичини яна Тошкентда олиб бормоқда. Шу ўринда Бахтиёр Аъзамович, жамоасининг қишки режалари ҳақида ҳам гапирди.
-    Тайёргарлигимизнинг асосий қисми Тошкентда ўтказилади. Янги йилдан кейинги дастлабки йиғинимизни пойтахтда ўтказдик. 19 январдан эса яна Тошкентда тўпландик. Ушбу йиғин мобайнида ўртоқлик учрашувларини ҳам ўтказяпмиз. ПФЛ Кубогида мусобақасида ҳам қатнашиш режамизда бор.

-    “Бухоро” шу кунгача қайси футболчилар билан шартномалар тузилгани хусусида ҳам маълумот берди.
-    Ҳозирча дарвозабон Асилбек Омонов, ҳимоячилар Раҳматилло Бердимуродов, Шавкат Муллажонов, ярим ҳимоячилар Шавкат Саломов, Сардор Сулаймонов ва ҳужумчи Шаҳбоз Эркинов билан шартномалар туздик. Ўтган йилги мавсумни жамоамизда ўтказган футболчиларнинг аксарияти билан ҳам шартномаларни узайтирдик.

-    ЎФФ мураббийларни хорижда малака ошириши бўйича тегишли чора-тадбирларни амалга оширяпти. Бунга Ашурматов қандай қарайди?
-    Албатта, амалга оширилаётган ушбу чора-тадбирларга ижобий қарайман. Чунки футбол ичидаги ҳар бир мутахассис ўз билимини ошириб бориши, ўз устида тинимсиз ишлаши керак. Мураббийларнинг хорижда малака ошириши учун жўнатилиши биз учун айни муддао.


ФИРДАВСХОН  

Рейтинг: +24   

Фикрлар

+12   
25 янв 10:26:03
ФутболN1
Maks Kokand фойдаланувчининг фикрига жавоб бериш
Бухорога омад! Бухоролик мухлислар чемпионлик ва ОЧЛга муносиб.
Рахмат,Кукон жамоасигаям омад ёр булсин!
+12   
25 янв 10:13:44
Maks Kokand
Бухорога омад! Бухоролик мухлислар чемпионлик ва ОЧЛга муносиб.
+9   
25 янв 10:20:50
Alisher Abbas
Бухоро яхши жамоа юкори уринлар учун уйнаши аник. Фаргоналик мухлислар номидан омад! Игорь Бабаян деган сухондон ишлаяпдими унга Фаргоналик мухлисларига салом. Бизларди хам орзуларимиз ушланди Нефтчи жамоамиз Супер Лигада уйнайди Фаргонага футбол кайди ОЛГА НЕФТЧИ!
+8   
25 янв 14:11:10
БНПЗ
Биз мухлислар Сизларга 100 % ишонамиз Улугбек Бакоев билан Сиздан мухлисларимиз куп нарсаларни кутмокдалар яна бир гап айрим Сизларни куролмайдиган ва сизларни оркангиздан хар канаканги гапларни таркатиб юрган одамларга ким эканлигингизни яна бир бор кусатиб куйинглар.
+7   
25 янв 13:50:55
Buxoroiy sharif
Alisher Abbas фойдаланувчининг фикрига жавоб бериш
Бухоро яхши жамоа юкори уринлар учун уйнаши аник. Фаргоналик мухлислар номидан омад! Игорь Бабаян деган сухондон ишлаяпдими унга Фаргоналик мухлисларига салом. Бизларди хам орзуларимиз ушланди Нефтчи жамоамиз Супер Лигада уйнайди Фаргонага футбол кайди ОЛГА НЕФТЧИ!
Рахмат Сизга Биз Бухоролик мухлислар хам Нефтчини Супер лигада катнашишидан жуда хурсанмиз худа хохласа Нефтчи Супер лигада уз номига муносиб уйин курсатади.
+6   
25 янв 11:02:50
G'ijduvoniy
Бухорога омад келгуси мовсум осиёни кузлаётган бу БУХОРО
+6   
25 янв 10:15:50
Улугбек Рахимов
Биз бухоро мухлислари жонажон камандамиз доим юкори уринларга юришига тилакдошмиз
+5   
25 янв 11:19:10
JAMOLIDDIN1805
Buxoro jamoasi va uninguxlislariga omad. Agarda yangi mavsum chempionlik uchun kurawsangiz intriga oshardi, uzi supet ligada 2 ta jamoani uzgartirib, intrigani chakib quyishdi, lekin bu Ozodbekdan extiyot buling
+5   
25 янв 10:37:30
Imronbek
рашид нзанов фойдаланувчининг фикрига жавоб бериш
qapagarchilik bolmasinu ammo neftchi bilan sugdionani qoyich girt aqmoqlik maqsadli jamoa bolganida bunday kuyga tuchmasti har yili yuqorgi orin dep mavsum tugaganda pastda yuradi. charoyitka qarab super liga tuzib bolmaydi mashalniki bu ekki klubdan charoyid bobida pasta ekanligiga ichonmayman men qachqadaryodan emasman ammo qattiq qafaman mashal ketkaniga
Нефтчи нима сизга оддий клубми ўйлаб гапиринг ўша Машъални ўтган йили уйида 2-2 ўйнаб Фарғона ямлаб ютганмиз
+5   
25 янв 10:37:06
Uz_chemp
Bahtiyor aka ishlarizga omad
+4   
25 янв 11:20:14
JAMOLIDDIN1805
Buxoro jamoasi va unin muxlislariga omad. Agarda yangi mavsum chempionlik uchun kurawsangiz intriga oshardi, uzi super ligada 2 ta jamoani uzgartirib, intrigani chakib quyishdi, lekin bu Ozodbekdan extiyot buling
+4   
25 янв 10:33:40
Козимбек
Бухорога янги мавсумда омад тилаймиз. Нефтчи эса катта ўзгаришлар арафасида, бугундан бошқача қарашлар бошланди. Шахсан хоким ўзи ишларга бош қош бўлмоқда. Лекин асосий эътибор маҳаллий ёшларга қаратилиши кутилмоқда.
+4   
25 янв 10:15:49
Hamid Savriyev
Faqat g'alba! Omad senga Buxoroooooo!!!
+1   
25 янв 10:29:05
Imronbek
Фарғона шаҳрида байрам
+1   
25 янв 10:28:27
Imronbek
Копадзе умуман керак эмас чиройли гапиришдан бошқа нарсани билмеди Ю.Саркисянни клуб президентлигига олиб келиш керак
championat.asia
< сўнгги янгиликларни кўриш

Энг яхшилар

Франция - икки карра Жаҳон чемпиони! Франция - икки карра Жаҳон чемпиони!
ЖЧ-2018 финали доирасидаги Франция - Хорватия учрашуви бўлиб ўтди.  400
Ўзбекистон терма жамоасига ким бош мураббий бўлишини истайсиз? Ўзбекистон терма жамоасига ким бош мураббий бўлишини истайсиз?
Яқин орада Ўзбекистон терма жамоасига бош мураббий тайинланади.   280
ЎФАда Ҳакамлар бўйича экспертлар гуруҳи ташкил этилди ЎФАда Ҳакамлар бўйича экспертлар гуруҳи ташкил этилди
Ўзбекистон футбол ассоциацияси 1-вице Президенти Умид Аҳмаджоновнинг...  63
������.�������

CA ни Facebook да ўқиш
учун "Yoqdi"ни босинг