Бугун футбол. "Пахтакор" - АГМК

Тошкентда турнир жадвали пешқадамлари ўзаро баҳс олиб боради. "Пахтакор" - АГМК. Бу ўйин олдидан кўп гапириляпти. Буни Арвеладзе - Қосимов қарама-қаршилиги деса ҳам бўлади. Грузин ва ўзбек футболининг ёрқин намоёндалари бош мураббий сифатида ўз жамоаларини бошлаб тушишади. 

"Пахтакор" турнир жадвалида 21 очко билан пешқадамлик қиляпти. Тўплар нисбати 22-4. АГМК ҳисобида 20 очко бор ва бу жамоа иккинчи ўринни эгаллаб турибди. Тўплар нисбати 11-4. 

Бир қарашда АГМК кам гол ураётгандек, лекин мустаҳкам ҳимоялана оляпти. Шу боис АГМК "Пахтакор" билан энг кам тўп ўтказиб юборган жамоа бўлиб турибди. Яна бир маълумот шуки, АГМК ҳали мағлубиятга учрамаган. 

"Пахтакор" охирги 4 турда қаторасига ғалаба қозонди. Шота Арвеладзе шогирдлари кетма-кет "Бунёдкор", "Қизилқум", "Сурхон" ва "Машъал" устидан зафар қучишди. Мана шу ўйинларда "Пахтакор" 13та гол уриб, ўз дарвозасидан фақат битта тўп ўтказиб юборди. У ҳам бўлса пенальтидан. 

Мавсумни кетма-кет иккита дуранг билан бошлаган АГМК шундан бери фақат ғалаба қозониб келмоқда. Миржалол Қосимов шогирдлари навбати билан "Бунёдкор", "Қизилқум", "Сурхон", "Машъал", "Насаф" ва "Қўқон-1912" жамоаларидан устун келишди. Жамоа ютган ўйинларда 9та гол уриб, ўз дарвозасидан 2 бор тўп ўтказди. 

Бугунги ўйинда имкониятларни қандай баҳолаш мумкин? Албатта, "Пахтакор" таркиб ва ўйин жиҳатдан кучлироқ, лекин олмалиқликлар ҳам қараб турмаса керак. Ҳар ҳолда Миржалол Қосимов натижа учун ўйнашни жуда яхши билади.

Агар АГМК ғалаба қозона олса, бу чинакам сенсация бўлади. Негаки "кончилар" шу пайтгача Тошкентда фақат бир марта (2013 йил) "Пахтакор"ни мағлуб этишган.

P.S. Соат 20:00да бошланадиган учрашувни "Спорт" ТВда тўғридан тўғри кузатиб боринг.

Пахтакор Игорь Сергеев - 71', Достонбек Ҳамдамов - 74'

Суперлига. 9-тур 13/07/2020, 20:00 2 : 2 Тугади

АГМК Арсланмират Аманов - 33', Йован Жокич - 53'

Бош ҳакам: Шерзод Қосимов

45'

90'

26'  Егор Кримец (Шерзод Аъзамов)

46'  Сардор Собирхўжаев (Аброр Исмоилов)

60'  Эрен Дердийок (Игорь Сергеев)

71'  Игорь Сергеев

71'  Одилжон Ҳамробеков

74'  Достонбек Ҳамдамов

74'  Одилжон Ҳамробеков

89'  Жалолиддин Машарипов

89'  Достонбек Ҳамдамов (Жавоҳир Сидиқов)

89'  Хожиакбар Алижонов (Акром Комилов)

33'  Арсланмират Аманов

33'  Хожимат Эркинов

46'  Миржамол Қосимов (Эркин Бaйдуллаев)

46'  Мирғиёс Сулаймонов (Акмал Шораҳмедов)

53'  Йован Жокич

56'  Баҳром Абдураҳимов (Шаҳзодбек Нурматов)

67'  Мате Ватсадзе (Зафар Полвонов)

80'  Арсланмират Аманов (Саидулло Раҳматов)

Матч-центрда очиш