Болалар - келажагимиз! ("Локомотив-2003" тақдирланди)

Бунинг натижасида ҳар йили мамлакат миқёсида болалар ўртасида турли мусобақалар ташкил этиляпти. Шунга яраша турли ёш тоифасида маҳоратли футболчилар етишиб чиқмоқда.

"Локомотив" футбол клуби қошида фаолият олиб бораётган "Локомотив" болалар-ўсмирлар футбол мактаби ҳам бундан мустасно эмас. Клуб раҳбарияти томонидан берилаётган эътибор туфайли футбол мактабимиз тарбияланувчилари март ойининг охирги ҳафтасида Туркияда бўлиб қайтишди. Анталияда ташкил этилган "Turkish holidays" деб ном олган футбол фестивалда қатнашган "Локомотив"нинг 2003 йилда туғилган тарбияланувчилари якунда биринчи ўринга сазовор бўлишди.

Шу муносабат билан "Локомотив" - "Бунёдкор" баҳсининг танаффус пайтида ёш ғолибларни тақдирлаш маросими ўтказилди. "Локомотив" футбол клуби бош директори Зокир Сейдуллаев ҳамда директор ўринбосари Тўлабек Акрамов чемпионларни мусобақанинг олтин медаллари ва бош соврин Кубок билан тақдирлашди. Шу ўринда Алишер Бозоров бошқараётган гуруҳ футболчиларига кейинги ўйинларда ҳам омад тилаб қоламиз. Умид қиламизки, ёш футболчилардан кейинчалик "Локомотив"нинг асосий таркибида тўп тепадиган истеъдод эгалари етишиб чиқади.