Ispaniyaning "Lugo" klubi futbolchisi Xavi Torres kelishilgan o'yin tashkillashtirgani uchun 10 oyga qamaldi va 22 oyga diskvalifikaciya qilindi. "Torres ishi" 2020 yildan buyon davom etdi. Avvaliga futbolchi 1 yilga qamalishi va 2 yilga diskvalifikaciya qilinishi so'ralgandi.
Ma'lum bo'lishicha, Torres o'z ishini rivojlantirishda "Osasuna"ning sobiq bosslari bilan "hamkorlik" qilgan. Avvalroq ular ham kelishilgan o'yinlardagi ishtiroki uchun jazolangandi.
36 yoshli Xavi Torres faoliyatining dastlabki qismida "Barselona" safida ham o'ynashga ulgurgan. Shuningdek, u "Malaga", "Betis" va "Xetafe" singari jamoalar sharafini himoya qilgan.
