Бу ҳақда "Relovo" хабар тарқатди.
Каталонияликлар икки футболчини рўйхатдан ўтказиш учун Ламин Ямаль ва Войцех Шенснининг шартномаларини кечиктиришга мажбур бўлиши мумкин. Агар 30 июнгача клуб ҳисоблари тузатилмаса, "Барселона" бу мажбуриятларни бажариш учун акцияларини ёки футболчиларини сотиши керак бўлади.
Сотиш учун асосий номзод – Рональд Араухо. Уругвайлик футболчига бир қанча клублар, жумладан, Италиянинг "Ювентус" ва Англиянинг "Ливерпуль" клублари қизиқиш билдирмоқда. Аввалроқ у "Барселона" билан шартномасини 2031 йилгача узайтирган эди.
