UZ

Сўнгги янгиликлар

19:24Англиянинг Евро-2024 учун кенгайтирилган таркиби маълум  0 19:00Суперлига. "Бунёдкор" – "Локомотив" 0:0 (матнли трансляция)  1 18:59Криштиану Роналду, Пепе ва Бруну — Португалиянинг ЕВРО учун таркиби эълон қилинди  4 18:18Моуриньо ёки Аллегри "Ал Иттиход" бош мураббийига айланиши мумкин  1 17:57Англиянинг Евро-2024 учун қайдномасида Маркус Рэшфорд учун жой топилмади  10 17:36Виктор да Силва: "Янги чемпионатга киришиб кетиш осон кечмайди ва бироз вақт талаб қилади"  2 17:15Шошмай туринг, Де Зербини кейинги манзили Мюнхен эмас, Турин бўлиши мумкин  2 16:54Темур Чогадзе: "Насаф"нинг асосий мақсади Ўзбекистон кубоги эмас, Суперлига чемпионлиги"  7 16:33"Динамо" "Пахтакор" билан дуранг ўйнаган учрашувдан ГАЛЕРЕЯ  2 16:17Тони Кроос ЕВРО-2024дан кейин фаолиятини якунлайди  14 15:59Диққат танлов. KELME брендидан футбол тўпини ютиб олинг!   16 15:42АПЛ янги мавсумида "VAR" бошқачароқ ишлайди  2 15:18"Челси" ўзига эҳтимолий мураббий топиб қўйди   1 14:50"Кристал Пэлас" "Бетис" футболчисига қизиқмоқда  0 14:19"Барселона" ёш иқтидорли ҳимоячиси билан янги шартнома имзолайди  2

Алишер Никимбаев ЖЧ-2026га саралаш қуръаси натижалари ҳақида ўз фикрларини билдирди Янгиликлар

Алишер Никимбаев ЖЧ-2026га саралаш қуръаси натижалари ҳақида ўз фикрларини билдирди

Таниқли футбол эксперти ва бошқарувчи Алишер Никимбаев Championat.Asia мухбири Николай Егоричев билан суҳбатда ЖЧ-2026га саралаш қуръаси натижалари ҳақида ўз фикрларини билдирди.

Эслатиб ўтамиз, Ўзбекистон терма жамоасига Эрон, Туркманистон, шунингдек Гонгкон/Бутан жуфтлиги ғолиби рақиблик қиладиган бўлди.

- Саралашнинг иккинчи босқичи - биз умуман ўйлашимиз керак бўлмаган нарса. Ушбу гуруҳдан иккинчи ўрин билан чиқиш осон. Туркманистонга расмий ўйинларда бирор марта ютқазмаганмиз, фақатгина бир марта дуранг ўйнаганмиз, шунда ҳам бизга ҳеч нарса керак бўлмаган пайт эди, туркманларда эса катта мотивация бўлганди. Бугунги кунда Туркманистондан кучлимиз ва биз кутилмаганда ютқазиб қўйишимиз учун нимадир бўлишини кўрмаяпман.

Шу билан бирга, мен кўпроқ бизга Гонконг тушишидан хавотирланяпман, сабаби бу тарихан Туркманистондан кўра қийинроқ рақиб. Мен ишлаган ва терма жамоа бош мураббийи Валерий Непомняший бўлган пайт, биринчи таймдан сўнг 2:0 ҳисобида олдинда бора туриб, якунда уйда 2:2 ўйнаганмиз. Танаффусда менга бир дўстим қўнғироқ қилиб, ғалаба билан табриклаганди. Мен унга бошқа бундай қилмасликни айтдим. Сезганимдек, Гонконг ўшанда ҳисобни тенглаштирди. Иккинчи таймда ҳам дуранг бўлганди, 0:0.

Эрон ва Ўзбекистон бир йилдан сўнг учинчи босқичда бўлади деб ўйлайман. Ҳа, Ўзбекистон балки Осиёнинг энг кучли терма жамоалари сафида бўлмаслиги мумкин. Аммо, бизда бундай вазифаларни ечиши керак бўлган жуда яхши ва кучли жамоа бор. Ҳали 2026 йилги жаҳон чемпионатига 100% тайёрмиз дея олмайман.

Барчаси қуръалар ва ФИФА рейтинги, учинчи босқичда қайси саватчага тушишимизга боғлиқ бўлади. ФИФА рейтингида балларни ҳисоблаш тизими ўзгарди, буни ҳисобга олиш керак. Биз учун ушбу қуръада учинчи саватчадан пастда бўлмаслигимиз муҳимроқ, аниқроғи рейтингда 7-8 ўриндан. Агар биринчи олтиликка кирсак, идеал бўлади, ўшанда биз қуръа олдидан иккинчи саватчага тушамиз. Вазифа қийин: рейтингда Ироқ, БАА ва Оман, кейин эса Қатар ва Саудия Арабистонидан ўтиш керак. Камида учинчи саватча даражасида ва имкониятга қараб иккинчисига тушишга интилиш керак. Кейин эса айтганимдек, барчаси қуръага боғлиқ, - дейди Никимбаев.


Алишер Никимбаев билан интервьюнинг тўлиқ версияси яқин вақтларда сайтимизда чиқади.

Рейтинг: +11   

Фикрлар

championat.asia
< сўнгги янгиликларни кўриш
Яндекс.Метрика