OFK mazkur bahsdan oldin qiziqarli faktlarni taqdim etdi.
- "Al Hilol" OCHLda 17-marta o'ynamoqda, bu mutloq rekord hisoblanadi. Klub ketma-ket 13-yil ushbu musobaqada qatnashadi.
- Bu AGMK uchun OCHL guruh bosqichidagi ilk uchrashuv bo'ladi. Ular musobaqaning guruh bosqichida qatnashadigan O'zbekistonning 7-jamoasidir.
- Saudiya Arabistoni jamoalari OCHLda O'zbekiston klublari bilan 62 marta to'qnash kelishgan. 33 o'yinda Saudiya Arabistoni klublari, 12ta bahsda O'zbekiston klublari g'olib bo'lgan. 17ta o'yinda durang kuzatilgan.
- "Al Hilol" OCHL guruh bosqichida O'zbekiston jamoalariga qarshi so'nggi 12 o'yinning faqat bittasida (8 g'alaba va 3 durang) mag'lub bo'lgan.
- 2019 yilgi Osiyo Chempionlar Ligasi boshidan buyon hech qaysi futbolchi "Al Hilol" hujumchisi Bafetimbi Gomisdan ko'proq ("Al-Nassr" hujumchisi Hamdallah bilan teng) gol urmagan - 11ta.
Eslatib o'tamiz, "Al Hilol" - AGMK uchrashuvi 15 aprel kuni Toshkent vaqti bilan soat 23:59da boshlanadi.
