Суперлига: 9-тур рамзий терма жамоаси ФОТО

"CA" Суперлигани янгича форматда ёритади

Суперлиганинг 9-тури доирасидаги 6 ўйинда жами 12та гол киритилди. Фақат марказий учрашув бўлган "Локомотив" - "Пахтакор" (0:0) баҳсида мухлислар гол кўришмади. Қолган барча беллашувларда стадионга ташриф буюрганлар камида биттадан гол кўришди. Бу сафар рамзий терма жамоани 4-4-2 схемада туздик.

Дарвозада "Пахтакор" посбони Элдорбек Суюнов. Суюнов шу куни Рашидовнинг 1-бўлимдаги ва Бикмаевнинг 2-бўлимдаги зарбаларини бартараф этди. 87-дақиқада Сардор Рашидовнинг яқин масофадан бирга-бир вазиятда тепган тўпидан кейинги сейви ажойиб чиқди.

Ҳимоянинг ўнг қанотидан "Сўғдиёна" аъзоси Тоҳир Шамсиддинов, чап қанотидан эса "Қўқон-1912" вакили Александр Мерзляков ўрин олди.

Марказий ҳимояда эса Кахи Махарадзе ва Файзулла Қамбаров жуфтлик ҳосил қилди. Тошкент дербисида "Пахтакор"нинг жуда кўп ҳужумларини айнан Махарадзе тўхтатиб қолди.

Таянч ярим ҳимоясига Дарко Гожкович танланди.

Чап қанот вингери Сардор Азимов, ўнг қанот вингери эса Артур Геворкян. Ҳужумчи ортидан эса Хуршид Асқаралиев жой олди.

Ҳужумчилар сифатида Элгужа Григалашвили ва Забиҳилло Ўринбоев танланди. Ҳар икки форвард ўз голлари билан жамоаларининг ғалабасига муносиб ҳисса қўшишди.

Суперлига 9-тур рамзий терма жамоаси

Дарвозабон: Элдорбек Суюнов (Пахтакор).

Ҳимоячилар: Тоҳир Шамсиддинов (Сўғдиёна), Кахи Махарадзе (Локомотив), Файзулла Қамбаров (Қизилқум), Александр Мерзляков (Қўқон-1912).

Ярим ҳимоячилар: Дарко Гожкович (Қўқон-1912), Артур Геворкян (Қизилқум), Сардор Азимов (Сўғдиёна), Хуршид Асқаралиев (Нефтчи).

Ҳужумчилар: Элгужа Григалашвили (Қизилқум), Забиҳилло Ўринбоев (Металлург)