Отабек Нарзуллаев: "Битта хато - мағлубиятга олиб келди"

Авваламбор Ассалому алайкум! Биз учун муҳим учрашув эди, бугунги баҳсга яхши тайёргарлик кўргандик. Битта хато - мағлубиятга олиб келди. Йигитлар қўлдан келганча ҳаракат қилишди. Мағлубиятга доим мураббий айбдор бўлган. Бироқ футболчиларда озгина шижоат бўлиши керак. Аммо битта шижоатнинг ўзи етарли эмас ҳозирги вақтимизда. Кўпроқ меҳнат қилиш лозим. Ҳозирги аҳволимизни яхши деб бўлмайди. Чунки уйда "Бухоро"ни мағлуб эта олмадик, ҳозир "Қизилқум"га ҳам 3 очко тақдим этдик. Ҳозир нима деб айтишни ҳам билмайман. Меҳнат қиляпмиз, йигитларга тушунтиряпмиз. Хато қилган барча учрашувда мағлуб бўлмоқдамиз. Агар биз хато қилмасак, мағлубийга учрамасдан ҳаракат қиламиз.

Жамоалар мавсум давомида ўртоқлик учрашувларида майдонга тушади. Ҳар икки жамоа бир-бирини жуда яхши билади. Иккинчи бўлимда "Қизилқум" ўйини кучайтирмади, балки сизнинг ўзгаришларингиз орқали "Машъал"  мағлуб бўлгандек туйилди...

- Биз бир биримизни жуда яхши биламиз. Дўстимиз Акмал ушбу жамоани бошқариб бормоқда. Бу футбол! Футболда хато қилсайиз, мағлуб бўласиз. Бугунги учрашувга бир қатор академия футболчиларини олиб келгандик. Академия ёшларига ҳам имконият беришимиз керак. Бизда ажойиб академия бор. Қачонгача ўзимизда яхши ёшлар бўла туриб, легионерлардан фойдаланамиз. Мағлубият бўлаётган вақтда ёшлардан яхши фойдалансак бўлади, шу сабабли бугунги баҳсда ёш йигитларни майдонга туширгандик.