Шуҳрат Муҳаммадиев: "Жамоамиз ғалабасига ҳисса қўшганимдан хурсандман"
21 apr 2021 16:27
News

Шуҳрат Муҳаммадиев: "Жамоамиз ғалабасига ҳисса қўшганимдан хурсандман"

Tags : "Андижон"Шуҳрат Муҳаммадиев Локомотив

Кеча бўлиб ўтган "Андижон" - "Локомотив" (1:2) баҳсидан сўнг "темирйўлчилар" сафида энг яхши ўйин кўрсатган футболчилардан бири Шуҳрат Муҳаммадиев интервью берди.

"Ўйин яхши бўлди. Ҳар икки жамоа охиригача кураш олиб борди. Биласиз, Кубок ўйини чемпионат баҳсларидан фарқ қилади. Биз биринчи таймда бироз бўш ҳаракат қилдик, лекин иккинчи бўлимда вазиятни қўлга олдик.
"Андижон" менда илиқ таасурот қолдирди. Улар ҳам охиригача ҳаракат қилишди. Ўйиндан олдин "Андижон"да футболчиларни руҳлантириш кучли бўлган экан.
Ғалаба тўпини киритганимдан хурсандман. Ўша вазиятда омадим ҳам келди ҳисоблайман. Ҳимоячи бўлганим учун менга кўпроқ голли тўпларни узатиш ёқади, аммо бу ўйинда ўзим ҳам гол урдим.
Кубок доирасида навбатдаги учрашувни ўз майдонимизда "Турон"га қарши ўтказамиз. Мана шу баҳсда ҳам ғалаба қозонишга ҳаракат қиламиз", - дейди Шуҳрат Муҳаммадиев.

Link :

Receive latest football news directly on your phone. Subscribe for our Telegram channel!

Rating: +1