Сефер Алибаев: "Голбанга Москванинг "Динамо" клубидан таклиф бор"
18 oct 2016 12:33
News

Сефер Алибаев: "Голбанга Москванинг "Динамо" клубидан таклиф бор"

Қаршининг "Насаф" жамоасида фаолият олиб бораётган Игорь Голбанга Россия биринчи лигасида фаолият олиб бораётган Москванинг "Динамо" жамоасидан таклиф бор.

Бу ҳақда футболчининг агенти сайтимизга маълум қилди.

"Голбан Россия фуқароси саналади. Шунинг учун "Динамо" Москва таклифини қабул қилиш учун унда ҳеч қандай муаммо бўлмайди. Ўзбекистондаги фаолиятини "Қўқон-1912" клубида бошлаган мижозим тез орада у ердан топ клубга ўта олди. Бугунда Рўзиқул Бердиев унга катта ишонч билдиряпти. Ўзбекистон Кубогининг финалидан кейин унинг келгуси фаолияти борасида бир тўхтамга келамиз", - дейди Сефер Энвирович.

Эслатиб ўтамиз, "Динамо" Москва 2015/16 йил мавсум якунларига кўра премьер лига билан хайрлашганди. Айни пайтда жамоа 17 турдан кейин 39 очко билан биринчи лига турнир жадвалида пешқадамликни ўз қўлига олган.