Роналду жаҳон рекордини ўрнатди

Криштиану Роналду Жаҳон чемпионати саралаш ўйинларида гол уриш бўйича жаҳон рекордини ўрнатди. Португалия терма жамоасининг 40 ёшли ҳужумчиси ЖЧ саралашидан ўрин олган Венгрияга қарши ўйиннинг 22-дақиқасида ҳисобни тенглаштирди ва биринчи бўлимга қўшимча берилган вақтда жамоасини олдинга олиб чиқди. Бу Роналдунинг ЖЧ саралаш турнирларидаги 40- ва 41-голлари эди.

Шу тариқа, Роналду 2016 йил 6 сентябрдан бери рекорд эгаси бўлиб келаётган гватемаллик Карлос Руисни (39 гол) ортда қолдирди. Маълумот учун, Лионель Мессининг ЖЧ саралашидаги голлари сони 36 тани ташкил қилади.