"Рома" "Будё-Глимт" вингери Сольбаккен билан шартнома тузди

24 ёшли норвегиялик футболчи эркин агент сифатида Италия клубига ўтди. Унинг римликлар билан келишуви 2023 йилнинг 2 январидан кучга киради ва 2027 йилнинг июнь ойи охиригача амал қилади.

Футболчи "Рома"да 18-рақам остида ўйнайди.

Ола Сольбаккен 2020 йилнинг январидан бери "Будё-Глимт"да тўп тепади. Жорий мавсумда у жамоа сафида 23 та ўйинда майдонга тушиб, 4 та гол урди ва 8 та голли узатмани амалга оширди.