Ўзбекистон футбол ассоциацияси ва Қозоғистон футбол федерацияси раҳбарлари учрашуви бўлиб ўтди
		
		09 oct 15:00
        News	
	 
				 
				Ўзбекистон футбол ассоциацияси ва Қозоғистон футбол федерацияси раҳбарлари учрашуви бўлиб ўтди
"Унда икки мамлакат футбол ташкилотлари ўртасидаги ҳамкорликни кенгайтириш, тажриба алмашиш ҳамда минтақавий лойиҳаларни биргаликда амалга ошириш масалалари муҳокама қилинди.
Учрашувда Ўзбекистон футбол ассоциацияси томонидан мамлакатимиз футбол тизимида амалга оширилаётган ислоҳотлар, янги инфратузилма лойиҳалари, футбол таълими ва академиялар тармоғининг ривожи, шунингдек, мураббийлар ва тиббиёт ходимлари малакасини ошириш борасида олиб борилаётган ишлар ҳақида маълумот берилди. Шунингдек, ҳамда давлат раҳбари ташаббуси билан Туркий давлатлар ўртасида турнир ўтказиш масаласи муҳокама қилинаётгани ҳамда Миллий футбол маркази фойдаланишга топширилгани алоҳида мамнуният билан қайд этилди.

ЎФА биринчи вице-президенти Равшан Эрматов сўнгги йилларда футбол бошқарувида тизимли ёндашув кучайгани, футболда шаффофликни таъминлаш мақсадида Ҳакамлар академияси фаолияти йўлга қўйилгани, ёш ҳакамлар учун ўқув дастурлар ташкил этилгани ҳамда Миллий футбол марказида марказлашган VAR тизими фаолияти йўлга қўйилгани таъкидлади.
Шунингдек, мамлакатимизда 14 та ҳудудий футбол академияси фаолият юритаётгани, уларнинг барчаси ягона методология асосида ишлаётгани ва футбол соҳасида тўлиқ рақамлаштириш тизими жорий этилгани қайд этилди. Янги футбол инфратузилмалари, “FIFA Central Asian Cup” – ФИФА Марказий Осиё кубоги турнирини ташкил этиш ташаббуси ҳам муҳокама этилди.
Қозоғистон томони эса мамлакатда олиб борилаётган ислоҳотлар, футбол инфратузилмасини модернизация қилиш ва хусусий клуб тизимини кенгайтириш борасида маълумот берди. Жумладан, тўртта клуб хусусийлаштирилгани, Германиядан тиббиёт марказлари учун мутахассислар жалб қилинаётгани, ФИФА ва ҚФФ томонидан бутун мамлакат бўйлаб янги футбол майдонлари, жумладан “арена футбол” иншоотлари қурилиши бошланганини маълум қилди.


Шунингдек, яқин истиқболда “Атлетико” академиясининг очилиши режалаштирилгани, ҳомийлик тизимини кенгайтириш ва ёш футболчиларни тайёрлаш бўйича ишлар изчил давом этаётгани айтиб ўтилди.
Томонлар УEФА ва ФИФА билан йўлга қўйилган ҳамкорликнинг самарали давом этаётганини қайд этиб, ўзаро ўртоқлик ўйинларини кўпайтириш, мутахассислар тайёрлаш ва янги қўшма лойиҳаларни амалга ошириш бўйича келишиб олдилар.
Учрашув якунида икки мамлакат футбол ассоциациялари ўртасидаги дўстлик ва ҳамкорлик алоқаларини янада мустаҳкамлашга келишилди", – дейилади ЎФА хабарида.
Ўзбекистон ва Қозоғистон ёшлар ҳамда ўсмирлар жамоалари, шунингдек, икки мамлакат футбол терма жамоалари ўртоқлик учрашувларида майдонга тушиши маълум бўлган эди.
Similar news
 championat.asia
                   
                   
			
		
		
			championat.asia
		
	 
             "Пахтакор" голи инобатга олинмаган "Бухоро"ни мағлуб этиб, Ўзбекистон кубоги соҳибига айланди
                    "Пахтакор" голи инобатга олинмаган "Бухоро"ни мағлуб этиб, Ўзбекистон кубоги соҳибига айланди Суперлига. "Насаф" "Навбаҳор" майдонида очко йўқотди
                    Суперлига. "Насаф" "Навбаҳор" майдонида очко йўқотди Эксперт ҳакамлар гуруҳи "Пахтакор" ва "Бухоро" учрашувидаги баҳсли вазият юзасидан хулоса берди
                    Эксперт ҳакамлар гуруҳи "Пахтакор" ва "Бухоро" учрашувидаги баҳсли вазият юзасидан хулоса берди Педри ва Ямаль "Эл Класико"дан кейин ижтимоий тармоқларда Карвахални кузатишни тўхтатди
                    Педри ва Ямаль "Эл Класико"дан кейин ижтимоий тармоқларда Карвахални кузатишни тўхтатди
Comments
ариза оркали Жахон чемпионатига икки кардош давлат мезбонлик килади .