Расман: Хитой терма жамоасининг асосий ҳужумчиси Каталония клубига ўтди!
28 jan 2019 22:30
News

Расман: Хитой терма жамоасининг асосий ҳужумчиси Каталония клубига ўтди!

Tags : Хитой Ву Лей Эспаньол Шанхай СИПГ

Хитой терма жамоаси етакчиси Ву Лей "Эспаньол" клуби билан шартнома имзолади.

Бу ҳақда Каталония клубининг расмий сайти маълумот берди. 1991 йил 19 ноябрь куни таваллуд топган Ву Лей "Эcпаньол" аъзосига айланди. Хитойлик форвард янги жамоасида 24-рақамда ўйнайди.

Тез орада унинг таништирув маросими бўлиб ўтади.

Ву Лей 2006 йили Хитой Суперлигасида дебют учрашувида майдонга тушиб, чемпионатнинг энг ёш футболчиси дея эътироф этилган. Эътиборлиси, ўшанда форвард 14 ёш 10 ойлик бўлгани маълум бўлди.

Одил Аҳмедов жамоадоши ўтган мавсумда "Шанхай СИПГ" клуби билан Хитой чемпионатида зафар қучди ва турнирда 27та гол уриб, энг яхши ўйинчи ва тўпурар совринларига эга чиққанидан хабарингиз бўлса керак.