Тимур Кападзе Хитой мураббийи бўлиши ҳақидаги саволга аниқ жавоб берди
20 sep 2025 16:02
News

Тимур Кападзе Хитой мураббийи бўлиши ҳақидаги саволга аниқ жавоб берди

Ўзбекистон МТЖ бош мураббийи Тимур Кападзенинг Хитой терма жамоасида иш бошлаши мумкинлиги ҳақида хабарлар чиқди.

Вазиятга ойдинлик киритиш учун, айни пайтда Англияда бўлиб турган бош мураббийнинг ўзи билан боғландик.

"Охирги пайтларда мен ҳақида кўп нотўғри хабарлар чиқиб кетди. Сайтларда ўқиб хайрон қолдим. Битта нарсани аниқ айта оламан: Хитой томони билан умуман музокара ўтказганим йўқ. Менга ҳам, ЎФАга ҳам Хитой томони расмий мурожаат қилгани йўқ. Бу хабарлар нотўғри.

Айни пайтда Ўзбекистон миллий терма жамоаси бош мураббийиман. Ноябрь ойининг охиригача шартномам бор. Шу боис, терма жамоа футболчиси ҳисобланган Абдуқодир Ҳусановнинг ўйинларини кўриш учун Англияга келдим. Бу ерда "Сити" ўйинларинини кузатишдан ташқари клуб академияси билан ҳам танишмоқчиман", - деди Тимур Кападзе championat.asia сайти билан суҳбатда.

Link :

Source : championat.asia

Receive latest football news directly on your phone. Subscribe for our Telegram channel!

Rating: +19