Ориф Маматказин: "Ўзбек футболидаги гранд жамоага ютқаздик"
08 aug 2016 22:30
News

Ориф Маматказин: "Ўзбек футболидаги гранд жамоага ютқаздик"

Олий лиганинг 17-тури доирасидаги "Локомотив" - "Андижон" (3:1) учрашувидан сўнг ташкил этилган матбуот анжуманининг дастлабки қисмида "бургутлар" устози Ориф Маматказин иштирок этди.

- Ўзбек футболидаги энг кучли жамоалардан бирига мағлуб бўлдик. Улар биздан бир бош устун эканликларини амалда исботлашди. Бугун "Локомотив" жамоасининг стандарт вазиятлардаги деярли барча уринишлари гол билан якунланди. Бу голларда дарвозабонни айбламаган бўлардим.

"Локомотив" жамоасига кейинги ўйинларда, хусусан ОЧЛда муваффақият тилайман.

Бобур Акбаров ўз жарима майдончаси олдида нега кўп алдайди? Акбаров бизнинг плеймекиримиз ҳисобланади. Айнан шу футболчи орқали биз ҳужумларни ташкил этишни режалаштирамиз. Шу боис Акбаров кўп маротаба рақибларни алдашга, ҳужумларни бошлашга уринди.

Акмал Турсунбоев жамоамизнинг асосий дарвозабони, деб айтсак бўлади.

Анвар Бердиев айни пайтда жамоада. Бердиев давралар оралиғида кутилмаганда клубдан ғойиб бўлиб қолганди. Яна кутилмаганда жамоада пайдо бўлди. Бердиев билан ҳеч қандай можаролар руй бермаган. Анвар Бердиев иккинчи даврани жамоамизда бошлайди.

Link :

Source : championat.asia

Receive latest football news directly on your phone. Subscribe for our Telegram channel!

Rating: +6