Ҳожимат Эркинов: "Бундан футболчи чиқмайди, бўйи паст" деб айтганлар бўлган"

Ўзбекистонда илгари ҳам, бугунги футболда ҳам бўйи паст деб таркибга олинмаслик ҳолатлари учрайди. Ваҳоланки, миллий терма жамоа аъзолари Машарипов, Искандеров, Файзуллаев каби футболчилар бўйи баланд футболчилар сирасига кирмайди. Подкаст муаллифларидан бири шундай ҳолатлар туфайли кўплаб яхши футболчиларнинг келажагига болта урилаётгани ҳақида тўхталиб, Ҳожимат Эркиновнинг бу ҳақдаги фикрлари билан қизиқди. 

"Менга нисбатан ҳам шундай фикрлар бўлган. "Пахтакор" ўринбсарлари сафида ўйнаб юрган пайтимда Шота Арвеладзенинг ёрдамчиси бўлган ўзбек мураббийи Ёшлар Лигаси ўйинларини кўрган ҳолда ўзини кўрсатган футболчиларни асосий таркибга жалб қиларди. Мен ҳеч қачон таклиф этилмаганман. Қўқон ва Олмалиқда ўйнаганимдан кейингина "Пахтакор" асосий таркибида тўп тепганман. Унгача эса бошланғич таркибга жалб этилмаганман.

"Бундан футболчи чиқмайди, бўйи паст" деб айтганлар бўлган. Айрим мураббийларда бу нарса бор. Ўшанда билганман. Лекин бунда позицияни ҳисобга олиш керак. Дарвозабон, марказий ҳимоячи ёки таянч ярим ҳимоячиси бўлса, бўй муҳим ўрин тутиши мумкин", – деди Эркинов.

"90minutuz" подкасти тўлиқ ҳолда: