Мухлислар учун танлов: “Локомотив” автобуси қандай кўринишда бўлиши керак?

“Локомотив” футбол клуби ҳозирги кунда кейинги мавсум учун бир қатор режалар ишлаб чиқиш билан банд. Шулардан бири жамоамиз автобусини янгича кўринишга келтириш ҳисобланади. Бунинг учун эса “Локо”га бефарқ бўлмаган мухлислар ўртасида танлов ўтказамиз. Хўш, сизнингча “Локомотив”нинг “Мерседес” русумли автобуси кейинги мавсумда қандай кўринишда бўлгани маъқул? Агар орамизда дизайнга, янгича кўринишларга ва чет эл клубларининг автобуслари қандай безатилганига қизиқадиганлар бўлса, биз ўтказадиган танловда иштирок этиб ўз чизмаларини юборишлари мумкин.

Эслатма ўрнида шуни айтишимиз мумкин, жамоа автобусининг янгича дизайнида аввало “Локомотив” футбол клубининг бош ҳомийси – “Ўзбекистон темирйўллари” акционерлик жамияти рамзи ҳамда клуб логотипи туширилган бўлиши шарт. Шунингдек, дизайн ишлаб чиқаётганда қизил, яшил ва оқ ранглардан фойдаланиш тавсия этилади.

Бу борадаги ўз чизмаларингизни lokomotiv.fans@mail.ru электрон почтамизга юборишингиз мумкин.