Моуринью илк марта чемпионат биринчи турида ютқазди

Хабарингиз бор, бугун "Тоттенхэм" АПЛ биринчи турида Анчелотти бошчилигидаги "Эвертон"га мағлуб бўлди (0:1).

"Шпорлар" бош мураббийи Жозе Моуринью фаолиятида биринчи марта миллий чемпионатнинг очилиш ўйинида мағлубиятга учради.

У бунгача мавсум стартидаги 18 ўйинлик мағлубиятсиз серияга эга эди. "Special one" шулардан 11 тасида ғалаба қозонган бўлса, 7 тасини дуранг билан якунлаган.

Моуринью Англия Премьер-лигасидан ташқари Испания, Италия ва Португалия чемпионатида ишлаган.