Бензема Европага қайтиши мумкин: Моуринью Каримни "Бенфика"га чақирди
22 sep 2025 19:22
News

Бензема Европага қайтиши мумкин: Моуринью Каримни "Бенфика"га чақирди

Франциялик ҳужумчи Карим Бензема Европага қайтиш эҳтимоли мавжуд.

Туркиялик инсайдер Экрем Конурнинг хабарига кўра, "Бенфика"нинг янги бош мураббийи Жозе Моуринью 37 ёшли футболчини Саудия Арабистонининг "Ал Иттиҳод" клубидан Португалия клубига ўтишни таклиф қилмоқда.

Трансфер шу қишда амалга ошиши мумкин. "Ал Иттиҳод" тахминан 7 миллион евро олади, бироқ Бенземанинг ўзи ҳам кичик маошни қабул қилиши керак, чунки у ҳозирда Саудия Арабистонида мавсумига 50 миллион евро ишлаб топади.

Эслатиб ўтамиз, Карим 2009 йилдан 2023 йилгача "Реал" сафида тўп тепган ва у ерда беш марта Чемпионлар Лигасида ғолиб чиққан. Франциялик форвард ўтган мавсум "Ал Иттиҳод"га Саудия Арабистони чемпионлигини қўлга киритишда ёрдам берди ва 29 ўйинда 21 та гол урди.

Link :

Source : x.com/Ekremkonur

Receive latest football news directly on your phone. Subscribe for our Telegram channel!

Rating: +3