Марадона "Дорадос" мураббийлигидан кетади. Унинг елкаси ва тиззаси операция қилинади

Бу клуб Мексикада мавқеи жиҳатидан иккинчи ўринда турадиган дивизионда иштирок этади.

58 ёшли аргентиналик мутахассис соғлигидаги муаммолар сабаб кетмоқда. Аниқроғи унинг елкаси ва тиззасини операция қилиниши керак.

Марадона "Дорадос"ни ўтган йил сентябрь ойида қабул қилиб олган эди. Жамоа ўша пайтда жадвалнинг иккинчи қисмида бораётган эди. Шундан сўнг, у клубни ҳар томонлама кучайтира олди.

"Ҳаммаси учун раҳмат, босс! Тиклан, яқин орада кўришамиз!", - дейилади "Дорадос"нинг "Twitter" саҳифасида.