"Ливерпуль" бош мураббийи Юрген Клопп иштирокидаги матбуот анжумани

"Иккита бир-бирига мос футбол жамоалари иштирокидаги финал гувоҳига айланамиз. Бошқа жамоаларни футбол клублари эмас дейиш нотўғри. Лекин, босқичма-босқич ривожланиб бораётган жамоалар тўқнашуви бўлишини назарда тутдим. Почеттинонинг қилган барча ишларини жуда ҳурмат қиламан. Қачондан бери "Тоттенхэм"ни бошқараётганини билмайман, очиғи. Лекин, унинг истеъдодли гуруҳи бор. Улар бирга ривожланишаётгани ва шу кунга қадар кўрсатган ўйинлари ўта таъсирли. Биз ҳам шу ишларни бошқа йўлда бажардик. Йўлларимиз ҳали ҳам бироз ўхшаш. Бу менга манзур келмоқда. 

Тўғрисини айтганда, "Аякс" клубини ҳам финалда кўришни хоҳлагандим. Улар бунга муносиб ҳаракат қилишганди.

Ўзимнинг фаолиятим ҳақида гапирадиган бўлсаи, омадсиз эмасман. 2017-йилни ҳисобга олмаса, менинг жамоаларим 2012 йилдан буён мунтазам финалларда иштирок этмоқда. Ярим финалларда ғалаба қозониш бўйича рекорд ўрнатган бўлсам керак. Бу ҳақда китоб ёзишим мумкин. Бироқ, уни ҳеч ким сотиб олмайди. Мен ҳали ҳамон ўз кучимга ишонмоқдаман. Фаолиятим ёмон ўтган дея олмайман. Сабаби у ҳали тугагани йўқ ва бир неча йил давом этишига умид қиламан", - дейди Клопп.