Александр Волков: "Ўзимиз қийин ҳолатга тушириб ундан қаҳрамонларча чиқиб кетдик"

"Ҳайрли кеч. Барчани ғалаба билан табриклайман. Ўйин олдиндан қийин бўлишини кутгандим. Рақиб сафида 77-рақамдаги футболчи кучли эканини, биз ҳужумда ўйнашимизни айтгандим. Яратган биз томонда бўлди, клуб ва мамлакатимиз учун муҳим уч очкони қўлга киритдик", - дейди Александр Волков.

"Алибобо Раҳматуллаев оғир даврни бошидан ўтказди. Бироқ бугун ўзини кўрсатди ва гол урди. Ўзимиз қийин ҳолатга тушириб ундан қаҳрамонларча чиқиб кетдик".

"Пишурда кўп вазият бўлди, аммо гол ура олмади. Лекин уни ёмон ўйнади дея олмайман. Кеча ёдимдан кўтарилганди, машғулотларда жуда кўп ишламоқда. Унда вазиятлар кўп бўлди деяпсиз, бу вазиятга чиқиш учун ҳам керакли жойда бўлиш керак".

"Рақиб сафида Элтон "Жон" (кулади) яхши ўйнади. "Бунёдкор" сафида ҳеч кимни мақтамоқчи эмасман, шу боис ҳеч кимни ажрата олмайман".

"Жамоа билан бирга сафардаги ўйинларга учмаслигим соғлигим билан боғлиқ эмас. Барчаси миш-миш. Қатардаги баҳсга албатта бораман".

"Нариги ўйиндаги натижадан хабардор бўлиб турдингизми? Албатта. Лекин йигитларга айтмадик. Танаффус вақтида йигитлар "Фулад" ютаётганини билишди ва ўзларини ўзлари иккинчи бўлимга тайёрлашди".