Триппьер: "Атлетико" "Байер"га қарши идеал ўйин ўтказди"
23 oct 2019 10:20
News

Триппьер: "Атлетико" "Байер"га қарши идеал ўйин ўтказди"

"Атлетико" ҳимоячиси Киран Триппьер жамоа "Байер"га қарши идеал ўйин ўтказди деб ҳисоблайди.

"Қийин ўйин бўлди, аммо биз яхши ҳимояландик. Шу билан бирга хавфли вазиятлар яратдик, аммо уларнинг кўпидан фойдалана олмадик.

Энг асосийси "ноль"га ўйнадик ва ғалаба қозондик. Биз "Байер"нинг қарши ҳужумлари хавфли эканлигини билардик. Лоди ва мен тез олдинга ўтиб кета олмасдик. Ҳар бир ўйин, ҳар бир жамоа фарқ қилади ва ҳар бир ўйинга алоҳида тайёргарлик кўриш лозим. Ўйлайманки, бугун идеал ўйин ўтказдик", - дейди Триппьер.

Эслатиб ўтамиз, ЧЛ 3-тури доирасидаги "Атлетико" ва "Байер" жамоалари ўртасидаги ўйинда мадридликлар рақибларини 1:0 ҳисобида таслим этишди.