Тожиев билан "Пахтакор" ютқазмаяпти, Сергеев тўхтамаяпти, “Қўқон-1912” эса Тошкентда ғалабани 30 йилдан бери кутяпти

Бугунги куннинг энг кутилган учрашувларидан бири — Суперлиганинг 13-туридан ўрин олган “Пахтакор” — “Қўқон-1912” баҳси. Ушбу беллашув олдидан икки жамоа ҳақида бир қатор қизиқарли маълумотлар ва статистик жиҳатларни ҳавола қиламиз.

Тожиев билан мағлубиятсиз серия

“Пахтакор” Комолиддин Тожиев қўл остида кетма-кет 5 та учрашувда мағлубиятга учрамади. Жамоа ушбу мураббий бошчилигида ўтказган учрашувларда қуйидаги натижаларни қайд этди:

• “Пахтакор” — “Бухоро” 6:0

• “Қизилқум” — “Пахтакор” 0:3

• “Пахтакор” — “Хоразм” 2:1

• “Пахтакор” — “Насаф” 6:3 (Ўзбекистон Кубоги)

• “Бунёдкор” — “Пахтакор” 1:1
  
  

Сергеевнинг голли серияси

Жамоа етакчиларидан бири Игорь Сергеев Суперлигада юқори даражадаги ўйин намойиш этмоқда. У кетма-кет 8 учрашувда гол уриб, жуда муҳим голли серияни қайд этмоқда. Тўпурарлар пойгасида эса 10 та гол билан яққол пешқадам бўлиб турибди. 

“Қўқон-1912” учун Тошкент — қийин синов

Қўқонликлар сўнгги икки ўн йилликда Тошкентда “Пахтакор” устидан ғалаба қозонолмаяпти. 21-асрда “шерлар” майдонидаги барча учрашувлар “Пахтакор” устунлигида ўтган.
“Қўқон-1912”нинг Тошкентдаги сўнгги ва ягона ғалабаси 1994 йилга тўғри келади (2:4). Шу пайтгача ўтказилган кейинги 14 учрашувнинг фақатгина биттаси дуранг билан якунланган — 2018 йилдаги 0:1 ҳисобли беллашув.

“Қўқон-1912” — мағлубиятлар серияси тугайдими?

Баҳром Ҳайдаров шогирдлари сўнгги 4 та ўйинда имкониятни бой берди:

• “Қўқон-1912” — ОКМК 1:3

• “Қўқон-1912” — “Насаф” 0:2

• “Навбаҳор” — “Қўқон-1912” 3:0

• “Қўқон-1912” — “Машъал” 0:4

Жамоа на ҳужумда, на ҳимояда ишончли ўйин кўрсата олмаяпти. Тўрт учрашувда жами 12 та гол ўтказилди, 1 та тўп киритилди.

Келаси турлардаги рақиблар

“Пахтакор” жамоасини кейинги турларда қуйидаги баҳслар кутмоқда:

• 27 июнь — “Насаф” — “Пахтакор”

• 6 июль — “Пахтакор” — “Навбаҳор”

“Қўқон-1912” эса биринчи даврани қуйидаги ўйинлар билан якунлайди:

• 27 июнь — “Қўқон-1912” — “Динамо”

• 4 июль — “Сўғдиёна” — “Қўқон-1912”