Суперлига-2025. Игорь Сергеев — тўпурар

Мавсум давомида 29 та ўйинда майдонга тушиб рақиб дарвозасига 20 та гол урган Игорь Сергеев чемпионат тўпурари бўлди. "Пахтакор" ҳужумчиси 10 йил олдин ҳам Ўзбекистонда тўпурар бўлган эди. 2015 йилги мавсум у 30 та ўйинда 24 та тўп киритганди.

Сергеев Ўзбекистонда тўпурар бўлиш бўйича Бахтиёр Ҳамидуллаев, Умид Исоқов, Шуҳрат Мирхолдиршоев ва Олег Шацкихга етиб олди. Бу собиқ футболчилар ҳам икки мартадан тўпурар бўлишган. Жаъфар Ирисметов ҳисобида 3 та, Драган Черан ҳисобида 6 та тўпурарилик бор.

Кетма-кет 8-йил "Пахтакор" футболчиси чемпионат тўпурарига айланди. 2018 йил Тиаго Безерра, 2019-2024 йилларда Драган Черан (6 марта) тўпурар бўлишган.