МЮ "Атлетико" футболчисини 30 млн. еврога сотиб олиши мумкин

МЮ ёзги трансфер ойнаси охирига яқин собиқ "Челси"  ярим ҳимоячисини олиш имкониятини кўриб чиққан, аммо 25 ёшли футболчи клубда қолиши айтилган эди.

Шунга қарамай, манкунианлар қишда Галлахер номзодига қайта ишора қилиши мумкин. Аввал хабар қилинганидек, англиялик футболчи 2026 йилги ЖЧда қатнашиш имкониятларини ошириш учун кўпроқ ўйин амалиёти хоҳлайди.

Галлахер 2024 йил ёзда "Атлетико"га 34 млн фунт эвазига ўтган, жорий мавсумда эса мадридликлар сафида фақат 3 та ўйинда асосий таркибда майдонга тушган.

Инсайдер Фабрицио Романо ўз YouTube-каналида шундай деди:

"Конор Галлахернинг январь ойида ёки, эҳтимол, ёзда 'Атлетико Мадрид'ни тарк этиш эҳтимоли бор. Бу битим формуласига ҳам боғлиқ бўлади. 'Манчестер Юнайтед' август ойининг сўнгги кунларида Галлахерга қизиққан, аммо 'Атлетико' уни ижарага беришни рад этган — уларда бундай режа йўқ.

Агар доимий трансфер бўйича таклиф тушса, вазият бошқача бўлиши мумкин. Тахминан 30 млн евро атрофидаги сумма ҳақида гап кетмоқда. Манбаларнинг айтишича, бу январда Конор Галлахерни қўлга киритишнинг яхши йўли."

Романо қўшимча қилди: Англия ва Италиядаги бошқа клублар ҳам Галлахер билан боғлиқ вазиятни кузатиб турибди.