"Сити" Туре ва бошқа фахрий футболчиларни сотишга тайёр

ЕЧЛ 1/8 финалида "Барселона"га қарши ўйиндаги мағлубиятдан сўнг таркибни ёшартириш кераклигини яққол намоён этди. Асосий таркибда тушганлар орасида энг ёши 27 ёшли Серхио Агуэро бўлди.

Агуэро, Жо Харт, Венсан Компани, Давид Сильва ва Фернандиньодан ташқари қолган футболчилар клубни тарк этиши мумкин. The Guardian нашрининг хабарига кўра, ёзда "Сити" нафақат Туре, балки Бакари Санья, Мартин Демикелис, Александр Коларов, Самир Насри, Гаэль Клиши, Пабло Сабалета, Хесус Навас, Фернандо, Стеван Йоветич ва Эдин Жеко билан хайрлашиши мумкин. Жеймс Милнер ҳамда Фрэнк Лэмпард шартномаси тугашини кутишади ва эркин агент сифатида клубдан кетишади.

"Интер" устози Роберто Манчини май ойида 32 ёшга тўладиган Турега қизиқаётганди. Аммо "Сити" ивуарлик футболчини 20 миллион фунтга баҳоламоқда. Яя эса ҳафтасига 220 минг фунт маош олмоқда. Бундай маошни Италияда ҳеч ким тўлай олмаса керак.

"Сити" ёзда Поль Погба, Кевин Де Брюйне ва Айозе Перес каби ёшларни сотиб олиши мумкин.