Сарвар Каримов: “Ўз ўйинимдан қониқиш хосил қилмадим”

Ушбу турда Тошкентнинг “Бунёдкор” клуби ўз уйида Жиззахнинг “Сўғдиёна” жамоасини қабул қилди ва 1:0 ҳисобида мағлубиятга учратди. Ушбу баҳсдан сўнг “Сўғдиёна” клуби дарвозабони Сарвар Каримов ўз фикрлари билан ўртоқлашди.

“Бизнинг асосий мақсадимиз рақиб жамоани мағлуб этиш эди. Шунинг учун ҳам бутун жамоа билан мана шу баҳсга жиддий тайёргарлик кўргандик. Лекин бизга бироз омад етишмади.  Чемпионт аввалида барча футболчиларда ҳаяжон бўлгани каби менда ҳам бироз хаяжон бўлди. Умуман олганда ўйин у даражада қийин бўлгани йўқ. “Сўғдиёна” таркибида илк учрашувда мағлуб бўлганим жуда ҳам аламли бўлди. 

“Бунёдкор”га қарши ўтказган ўйинимдан қониқиш хосил қилмадим. Етарлича хатоларим бор. Ўз ўйинимдан қониқиш хосил қилишим учун ўз устимда тинмай ишлашим керак. “Қалдирғочлар”да биздан кўра бироз кўпроқ бўлсада ўйин амалиёти бор эди. Биз эса уларга қарши илк расмий ўйинимизни ўтказдик. Мени фикримча, шуни эвазига улар ғалаба қозонди”, - дейди “Сўғдиёна” клуби дарвозабони Сарвар Каримов.

Жаҳонгир Сотволдиев суҳбатлашди.