ПСЖ молиявий фейр-плейни бузмаслик учун 80 млн еврога ўйинчи сотиши керак

Кейинги мавсум олдидан УЕФА парижликларнинг ортда қолган ёздаги трансфер компанияси якунларини текширувдан ўтказади.

Клуб мавсумолдидан Дани Алвес (текин), Неймар (222 миллион евро) ва Килиан Мбаппе (180 млн еврога сотиб олиш шарти билан ижара)лар билан шартнома тузган.

5 октябрь куни ПСЖ вакиллари Ньонда УЕФА раҳбарияти билан учрашув ўтказишган ва унда Неймар ва Мбаппе трансферига оид барча маълумотларни тақдим этишган.

Молиявий фейр-плей нормаларига амал қилиш учун ПСЖ қишки трансфер ойнасида камида 80 миллион еврога ўйинчи сотиши керак.

Французлар Анхель Ди Мария ва Лукас Моура билан хайрлашишга тайёр. Лекин, ПСЖдаги муаммони билган бошқа жамоалар ўйинчиларнинг нархини туширишга ҳаракат қилишлари мумкин.

Клубга бу мавсумда ҳеч қандай жазо қўлланилмайди. УЕФА ПСЖни 2018-2019 йилги Чемпионлар лигасидан четлатиши мумкин.