Ўзбекистон МТЖ Брисбен шаҳрида дастлабки машғулотни ўтказди
13 nov 2018 20:00
News

Ўзбекистон МТЖ Брисбен шаҳрида дастлабки машғулотни ўтказди

Эктор Купер бошчилигидаги Ўзбекистон миллий терма жамоаси аъзолари бугун Брисбен шаҳрига етиб келишганидан хабарингиз бор.

Футболчилар меҳмонхонада бир оз ҳордиқ чиқаришганидан кейин дастлабки машғулотни ўтказиш учун "SBUS Super Stadium" ўйингоҳига йўл олишди.

Терма жамоа аъзолари узоқ вақт парвоздан сўнг Австралияга етиб келишгани туфайли асосан енгил машғулотлар олиб боришди. Кўпроқ тўп билан ишлашди. Бош мураббий Эктор Купернинг ўзи ҳам машғулотларда фаол қатнашганини алоҳида таъкидлаб ўтиш керак. Дарвозабонлар билан эса одатдагидек Денис Иванков шуғулланди.

15 ноябрь куни Ўзбекистон миллий терма жамоасининг Ливанга қарши ўртоқлик ўйини Брисбен вақти билан соат 20:00да бошланди. Тошкентда эса бу вақтда соат 15:00 бўлади.